ການສະແດງດອກໄມ້ໄຟສະຫຼອງປີໃໝ່ຂະໜາດໃຫຍ່ທີ່ສຸດໃນໂລກຈະຈັດຂຶ້ນຢູ່ຊິດນີຂອງອົສຕລາລີໃນຕອນຄ່ຳວັນທີ 31 ທັນວານີ້, ຄາດວ່າຈະມີລ້ານກວ່າຄົນໄປຊົມເບິ່ງ, ຂະນະດຽວກັນຍັງຈະດຶງດູດ 1 ຕື້ຄົນຊົມຜ່ານທາງອິນເຕີເນັດ. ການສະແດງດອກໄມ້ໄຟເທື່ອນີ້ຈະຈູດດອກໄມ້ໄຟ 1 ແສນກວ່າຊະນິດ. ລວມນ້ຳໜັກກວ່າ 8 ໂຕນ, ໃນນັ້ນມີ 90% ມາຈາກຈີນ.
ການສະຫຼອງປີໃໝ່ຢູ່ຊິດນີ, ການໄປໂຮງລະຄອນຫຼືໄປຊົມການສະແດງດອກໄມ້ໄຟຢູ່ຂົວໃຫຍ່ທ່າເຮືອທະເລໄດ້ກາຍເປັນປະເພນີຂອງຊາວເມືອງຊິດນີແລະກໍ່ແມ່ນລາຍການສະຫຼອງປີໃໝ່ທີ່ນັກທ່ອງທ່ຽວໂລກນິຍົມທີ່ສຸດ. ຕອນຄ່ຳວັນທີ 31 ທັນວານີ້, ຊາວເມືອງຊິດນີແລະນັກທ່ອງທ່ຽວ 1 ລ້ານກວ່າຄົນຈະເຕົ້າໂຮມຢູ່ຈຸດຕ່າງໆຢູ່ຊິດນີ, ແລະຮ່ວມສະຫຼອງປີໃໝ່ 2018 ທີ່ຈະວຽນມາເຖິງ. ທ່ານນາງໂຄຼເວີ ໂມຣ໌ ເຈົ້າເມືອງເມືອງຊິດນີເວົ້າຕໍ່ນັກຂ່າວວ່າ, ປີນີ້, ໃນພິທີສະຫຼອງປີໃໝ່ຢູ່ຊິດນີຈະມີການສະແດງດອກໄມ້ໄຟຂະໜາດໃຫຍ່ທີ່ສຸດບໍ່ເຄີຍມີມາໃນແຕ່ກ່ອນແລະງານຕື່ນເຕັ້ນໜ້າປະທັບໃຈຕໍ່ໂລກ, ເພື່ອສະແດງໃຫ້ເຫັນເຖິງວັດທະນະທຳຕົວເມືອງທີ່ເປັນເອກະລັກພິເສດຂອງຕົນ.