ວັນທີ 31 ທັນວາແລ້ວນີ້, ຂ່າວສານສາທາລະນະລັດອິສລາມອີຣັກໄດ້ຍົກເອົາຄຳເວົ້າຂອງລັດຖະມົນຕີກະຊວງພາຍໃນປະເທດຕົນມາລາຍງານວ່າ: ຫຼາຍມື້ຜ່ານມາຢູ່ຫຼາຍແຫ່ງຂອງອີຣັກໄດ້ເກີດການແຫ່ຂະບວນປະທ້ວງ, ປະຊາຊົນອີຣານຈະທຳລາຍທຸກກົນອຸບາຍທີ່ຄັດຄ້ານປະເທດຕົນ ແລະຂະແໜງການຕ່າງໆຂອງລັດຖະບານໄດ້ໃຊ້ມາດຕະການກ່ຽວຂ້ອງເພື່ອແກ້ໄຂບັນຫາໃນປັດຈຸບັນ.
ສື່ມວນຊົນອີຣານລາຍງານວ່າ: ໃນໄລຍະຜ່ານມາ, ລາຄາສິນຄ້າບາງຊະນິດຂອງອີຣານໄດ້ແພງຂຶ້ນຢ່າງຕໍ່ເນື່ອງ. ກ່ອນໜ້ານີ້ບໍ່ດົນ, ລັດຖະບານອີຣານໄດ້ມີແຜນຈະປັບຫຼຸດສະຫວັດດີການສັງຄົມແລະປັບຂຶ້ນລາຄານ້ຳມັນເຊື້ອໄຟ ຈຶ່ງພາໃຫ້ມວນຊົນເກີດຄວາມບໍ່ພໍໃຈ. ວັນທີ 27 ທັນວາຜ່ານມາ, ທ່ານ ອາລີ ຮາເມເນອີ ຜູ້ນຳສູງສຸດຂອງອີຣານໄດ້ຮຽກຮ້ອງໃຫ້ລັດຖະບານພະຍາຍາມ ແກ້ໄຂບັນຫາເສດຖະກິດ.
ຊຸມປີມໍ່ໆມານີ້, ເສດຖະກິດອີຣານຊຸດໂຊມລົງຢ່າງຕໍ່ເນື່ອງ, ຕົວເລກທາງການອີຣານສະແດງໃຫ້ເຫັນວ່າ: ອັດຕາວ່າງງານຂອງອີຣານໃນປັດຈຸບັນສູງເຖິງ 12,4%.