ຫວ່າງມໍ່ໆມານີ້, ສະຖາບັນຄົ້ນຄວ້າຍຸດທະສາດເສດຖະກິດການເງິນຂອງສະຖາບັນວິທະຍາສາດສັງຄົມຈີນໄດ້ເຜີຍແຜ່ບົດລາຍງານວິເຄາະກ່ຽວກັບ ເສດຖະກິດມະຫາພາກໂດຍຄາດຄະເນວ່າ: ປີ 2018, ລວມຍອດຜະລິດຕະພັນພາຍໃນຫຼື GDP ຂອງຈີນຈະຢູ່ລະຫວ່າງ 6,7%. ບົດລາຍງານຍັງໄດ້ສະເໜີໃຫ້ສືບຕໍ່ລົງເລິກການປະຕິຮູບໂຄງປະກອບດ້ານການສະໜອງແລະເພີ່ມທະວີການພັດທະນາເສດຖະກິດໃຫ້ເປັນແບບຍືນຍົງພາຍໃຕ້ສະພາບທີ່ຮັບປະກັນຄວາມຕ້ອງການພາຍໃນມີຄວາມໝັ້ນທ່ຽງໂດຍພື້ນຖານ. ບົດລາຍງານຂອງສະຖາບັນຄົ້ນຄວ້າຍຸດທະສາດເສດຖະກິດການເງິນຂອງສະຖາບັນວິທະຍາສາດສັງຄົມຈີນເຫັນວ່າ: ໃນໄຕມາດທີ 4 ຂອງປີ 2017, ສະພາບເສດຖະກິດຈີນໄດ້ສືບຕໍ່ຮັກສາທ່ວງທ່າຂະຫຍາຍຕົວໄປທາງທີ່ດີຢ່າງໝັ້ນທ່ຽງ, ການຜະລິດດ້ານອຸດສາຫະກຳມີຄວາມໝັ້ນທ່ຽງໂດຍພື້ນຖານ, ການລົງທຶນຊັບສິນຄົງທີ່,ດ້ານພື້ນຖານໂຄງລ່າງ,ດ້ານອະສັງຫາລິມະຊັບ ແລະການລົງທຶນພາກເອກະຊົນໄດ້ຊ້າລົງເມື່ອທຽບໃສ່ໄຕມາດທີ 3 ຜ່ານມາ.
ນັກວິເຄາະເຫັນວ່າ: ໃນຕໍ່ໜ້າ, ຈີນຈະຈັດຕັ້ງປະຕິບັດນະໂຍບາຍການເງິນທີ່ຕັ້ງໜ້າແລະມີປະສິດທິຜົນ ແລະ ນະໂຍບາຍເງິນຕາທີ່ໝັ້ນທ່ຽງໃນລັກສະນະເປັນກາງຕື່ມອີກ, ປະດິດສ້າງວິທີແລະຮູບການໃໝ່ຂອງການຄວບຄຸມມະຫາພາກ. ເສດຖະກິດຈີນກໍ່ຈະສືບຕໍ່ພັດທະນາໄປໃນທາງທີ່ດີຢ່າງໜັກແໜ້ນ.
 |
