ວັນທີ 1 ມັງກອນນີ້, ປະເທດກູເວດ, ກົດດີວົວ, ກີເນອີຄົວເຕີຣຽວ, ເປຣູ, ໂປໂລຍ ແລະໂຮນລັງກາຍເປັນສະມາຊິກບໍ່ຖາວອນຂອງສະພາຄວາມໝັ້ນຄົງອົງການສະຫະປະຊາຊາດຢ່າງເປັນທາງການ.
5 ປະເທດນອກຈາກປະເທດໂຮນລັງຈະດຳລົງຕຳແໜ່ງເປັນເວລາ 2 ປີເຖິງວັນທີ 31 ທັນວາປີ 2019. ຕາມສັນຍາທີ່ຕົກລົງກັນໃນການເລືອກຕັ້ງສະມັດຊາໃຫຍ່ອົງການສປຊປີ 2016 ທີ່ປະເທດອີຕາລີຮ່ວມດຳລົງຕຳແໜ່ງໃນປີ 2017-2018 ກັບປະເທດໂຮນລັງ, ສະນັ້ນ ໄລຍະການດຳລົງຕຳແໜ່ງຂອງໂຮນລັງຈະສິ້ນສຸດລົງໃນວັນທີ 31 ທັນວາປີ 2018 ນີ້.
ສະພາຄວາມໝັ້ນຄົງລວມມີສະມາຊິກ 15 ປະເທດ, ໃນນັ້ນ, ປະເທດຈີນ, ຝຣັ່ງ, ຣັດເຊຍ, ອັງກິດ ແລະອາເມລິກາເປັນສະມາຊິກຖາວອນ ແລະ 10 ປະເທດອື່ນໆເປັນສະມາຊິກບໍ່ຖາວອນ ເຊິ່ງແປ່ງປັນຕາມເຂດແຄວ້ນ ແລະດຳລົງຕຳແໜ່ງເປັນໄລຍະ 2 ປີ, ຫຼັງຈາກການເລືອກຕັ້ງໃນແຕ່ລະປີຈະປ່ຽນສະມາຊິກ 5 ປະເທດຄືນໃໝ່, ບໍ່ສາມາດຮັບເລືອກ ແລະດຳລົງຕຳແໜ່ງຢ່າງລຽນຕິດໄດ້.
 |
