ສື່ມວນຊົນສາກົນລາຍງານຄຳອວຍພອນປີໃໝ່ຂອງທ່ານ ສີຈິ້ນຜິງ

    ສື່ມວນຊົນຫຼາຍສຳນັກຂອງປະເທດຕ່າງໆ ໄດ້ລາຍງານຄຳອວຍພອນປີໃໝ່ 2018 ຂອງທ່ານ ສີຈິ້ນຜິງ ປະທານປະເທດຈີນທີ່ກ່າວກ່ອນປີໃໝ່ມາເຖິງ.

    ຂ່າວສານອາແອຟເປຂອງຝຣັ່ງ ໄດ້ລາຍງານຄຳອວຍພອນປີໃໝ່ຕອນທີ່ເນັ້ນເຖິງບັນຫາຫຼຸດຜ່ອນຄວາມທຸກຍາກຂອງຊາວຊົນນະບົດ, ຂະນະທີ່ຂ່າວຍັງເນັ້ນວ່າ, ໃນເວລາກ່າວຄຳອວຍພອນປີໃໝ່, ທ່ານ ສີຈິ້ນຜິງ ໄດ້ກ່າວເຖິງການທີ່ຈີນເຄົາລົບອິດທິພົນແລະຖານະຂອງອົງການສະຫະປະຊາຊາດຢ່າງເດັດດ່ຽວ ແລະຈະປະຕິບັດຄຳໝັ້ນສັນຍາກ່ຽວກັບການຮັບມືກັບການປ່ຽນແປງຂອງດິນຟ້າອາກາດ.

    ໜັງສືພິມລຽນເຮີຈາວປ້າວຂອງສິງກະໂປ ລາຍງານວ່າ, ໃນຄຳປາໄສອວຍພອນປີໃໝ່, ທ່ານ ສີຈິ້ນຜິງ ໄດ້ຍົກໃຫ້ເຫັນຫຼາຍຂໍ້ມູນທີ່ສຳຄັນ ລວມທັງການເຮັດໃຫ້ຊາວຊົນນະບົດຜູ້ທຸກຍາກຫຼຸດພົ້ນອອກຈາກຄວາມທຸກຍາກ 10 ລ້ານກວ່າຄົນ, ບັນລຸການຍົກຍ້າຍປະຊາຊົນຜູ້ທຸກຍາກ 3,4 ລ້ານຄົນໄປບ່ອນອື່ນເພື່ອຫຼຸດຜ່ອນຄວາມທຸກຍາກ ແລະອື່ນໆ. ຂະນະດຽວກັນ, ເວັບໄຊຂອງໜັງສືພິມດັ່ງກ່າວ ຍັງໄດ້ລາຍງານເຖິງຫ້ອງການຂອງທ່ານ ສີຈິ້ນຜິງ ໃນການກ່າວອວຍພອນປີໃໝ່.

    ສື່ມວນຊົນອິນເດຍ ເຊັ່ນໜັງສືພິມອິນເດຍແທັມສ໌ ເປັນຕົ້ນ ກໍໄດ້ລາຍງານຄຳປາໄສອວຍພອນປີໃໝ່ຂອງທ່ານ ສີຈິ້ນຜິງ ໂດຍໄດ້ລາຍງານຂໍ້ມູນຂ່າວສານທີ່ກ່ຽວຂ້ອງກັບການປະຕິຮູບເສດຖະກິດໃນປີ 2018, ການຫຼຸດພົ້ນອອກຈາກຄວາມທຸກຍາກຂອງຜູ້ທຸກຍາກ, ນະໂຍບາຍການຕ່າງປະເທດຂອງຈີນ ແລະຫົວຂໍ້ອື່ນໆ.