ທ່ານເກີງສວງ, ໂຄສົກກະຊວງການຕ່າງປະເທດຈີນເປີດເຜີຍໃນວັນທີ 4 ມັງກອນນີ້ວ່າ, ໂດຍຕອບສະໜອງຕາມຄຳເຊີນຂອງທ່ານຮຸນແຊນ ນາຍົກລັດຖະມົນຕີກຳປູເຈຍເຊິ່ງເປັນປະເທດປະທານຮ່ວມຂອງການຮ່ວມມມືແມ່ນ້ຳລ້ານຊ້າງ-ແມ່ນ້ຳຂອງ, ທ່ານຫຼີເຄີ້ສຽງ ນາຍົກລັດຖະມົນຕີຈີນຈະເດີນທາງໄປນະຄອນຫຼວງພະນົມເປັນ ປະເທດກຳປູເຈຍແຕ່ວັນທີ 10 ຫາວັນທີ 11 ມັງກອນນີ້ເພື່ອເຂົ້າຮ່ວມກອງປະຊຸມຜູ້ນຳຂອງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທີ 2, ແລະຢ້ຽມຢາມກຳປູເຈຍຢ່າງເປັນທາງການ.
ທ່ານຫຼີເຄີ້ສຽງແລະທ່ານຮຸນແຊນຈະເປັນປະທານຮ່ວມຈັດກອງປະຊຸມດັ່ງກ່າວ, ແລະຮ່ວມກັບຜູ້ນຳກຳປູເຈຍ, ລາວ, ມຽນມາ, ໄທແລະຫວຽດນາມ, ທົບທວນຄືນຜົນງານການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ, ສະຫຼຸບບົດຮຽນການຮ່ວມມື, ແລະແລກປ່ຽນຄວາມເຫັນຢ່າງເລິກເຊິ່ງກ່ຽວກັບແຜນການພັດທະນາໃນອະນາຄົດແລະອື່ນໆ.
ໃນໄລຍະຢ້ຽມຢາມ, ທ່ານຫຼີເຄີ້ສຽງ ຈະພົບປະກັບສົມເດັດໂບໂຮດົມຊີຮາໂມນີ, ເຈົ້າຊີວິດກຳປູເຈຍ, ແລະພົບປະເຈລະຈາກັບທ່ານຮຸນແຊນກ່ຽວກັບການຊຸກຍູ້ການຮ່ວມມືຍຸດທະສາດຮອບດ້ານລະຫວ່າງສອງປະເທດ.
 |
