ທຳນຽບປະທານາທິບໍດີຟີລິບປີນອອກຄຳສັ່ງສະບັບໜຶ່ງໃນວັນທີ 3 ມັງກອນນີ້, ຮຽກຮ້ອງໃຫ້ເຈົ້າໜ້າທີ່ລັດຖະບານທັງໝົດຕ້ອງລົງທະບຽນໃນເວລາອອກເມືອງເພື່ອໄປປະຕິບັດໜ້າທີ່, ຫ້າມບໍ່ໃຫ້ຫຼິ້ນກິນຟຸມເຟືອຍ.
ຕາມການຊີ້ນຳຂອງຄຳສັ່ງອອກເມືອງສະບັບໃໝ່, ເຈົ້າໜ້າທີ່ແລະພະນັກງານຂອງລັດຖະບານຕ້ອງຖືກກັບມາດຕະຖານສາມຂໍ້ຈຶ່ງສາມາດອອກເມືອງດ້ວຍທຶນລັດຖະບານຄື: ເປົ້າໝາຍການອອກເມືອງຕ້ອງກ່ຽວພັນເຖິງວຽກງານແລະໜ້າທີ່ຮັບຜິດຊອບຂອງເຈົ້າໜ້າທີ່ຫຼືພະນັກງານຢ່າງສົມບູນ; ຄ່າໃຊ້ຈ່າຍບໍ່ຄວນຫຼາຍເກີນໄປ, ຜົນການຄາດໝາຍຂອງການອອກເມືອງຄັ້ງນີ້ຄວນສ້າງຜົນປະໂຫຍດໃຫ້ແກ່ປະເທດເປັນຈຳນວນຫຼວງຫຼາຍ.
ຄຳສັ່ງດັ່ງກ່າວຍັງຮຽກຮ້ອງວ່າ, ເຈົ້າໜ້າທີ່ຫຼືພະນັກງານໃດໆທີ່ອອກເມືອງດ້ວຍທຶນລັດຖະບານບໍ່ຄວນອອກຈາກໝູ່ຄະນະດ້ວຍຕົນເອງ, ນອກຈາກມີການອະນຸມັດຂອງຂັ້ນເທິງ, ຫຼືວ່າສາມາດຮັບປະກັນວ່າໄດ້ສຳເລັດໜ້າທີ່ວຽກງານຂອງຕົນແລ້ວແລະບໍ່ກະທົບເຖິງວຽກງານສ່ວນລວມຢ່າງເດັດຂາດ.