ວັນທີ 4 ມັງກອນນີ້, ລັດຖະບານມຽນມາຈັດງານຊຸມນຸມຢູ່ນະຄອນຫຼວງເນປີດໍ ແລະນະຄອນຢາງກຸ້ງ ເພື່ອສະເຫຼີມສະຫຼອງວັນເປັນເອກະລາດຄົບຮອບ 70 ປີ.
ທ່ານທິນຈໍ ປະທານາທິບໍດີມຽນມາໄດ້ສົ່ງສານຊົມເຊີຍໂດຍຊີ້ໃຫ້ເຫັນວ່າ: ເຖິງແມ່ນວ່າມຽນມາໄດ້ປະກາດເອກະລາດ, ແຕ່ໃນຫຼາຍປີທີ່ຜ່ານມາໄດ້ເກີດການປະທະກັນພາຍໃນເລື້ອຍໆ, ແລະໄດ້ສ້າງຜົນກະທົບຕໍ່ການພັດທະນາຂອງປະເທດຕົນ. ທ່ານຮຽກຮ້ອງໃຫ້ປະຊາຊົນບັນດາເຜົ່າພະຍາຍາມຮັກສາຜືນແຜ່ນດິນອັນຄົບຖ້ວນຂອງປະເທດ, ສ້າງລັດຖະທຳມະນູນທີ່ເໝາະສົມ, ບັນລຸສັນຕິພາບຖາວອນໂດຍຜ່ານການເຈລະຈາທາງການເມືອງ, ສະໜັບສະໜູນເສດຖະກິດເອກະຊົນ ແລະຊຸກຍູ້ການພັດທະນາເສດຖະກິດ-ສັງຄົມ.
ມຽນມາໄດ້ຫຼຸດພົ້ນອອກຈາກການປົກຄອງແບບລ່າເມືອງຂຶ້ນຂອງອັງກິດ ແລະປະກາດເປັນເອກະລາດໃນວັນທີ 4 ມັງກອນປີ 1948.
 |
