ຕາມຂ່າວ CRI: ໃນກອງປະຊຸມຂ່າວທີ່ຈັດຂຶ້ນໃນວັນທີ 5 ມັງກອນນີ້, ທ່ານເກິງຊວງ ໂຄສົກກະຊວງການຕ່າງປະເທດຈີນກ່າວວ່າ, ໂດຍຕອບສະໜອງຕາມຄຳເຊີນຂອງທ່ານຈ່າງເຕີຈຽງ ປະທານສະພາປະຊາຊົນແຫ່ງຊາດຈີນ, ປະທານສະພາຂອງບັນດາປະເທດເອີລົຮເໜືອແລະປະເທດອ້ອມທະເລບັນຕິກຈະຮ່ວມກັນຢ້ຽມຢາມຈີນແຕ່ວັນທີ 7-13 ມັງກອນນີ້.
ຕາມແນະນຳວ່າ, ສະມາຊິກຄະນະຢ້ຽມຢາມດັ່ງກ່າວລວມທັງປະທານສະພາຂອງແຟນລັງ, ນອກເວ, ອິສລັງ, ເອສໂຕນີ, ລັດເວຍ, ລີຕົວນີ ແລະຮອງປະທານສະພາຜູ້ທຳອິດຂອງຊູແອດ. ໃນໄລຍະຢ້ຽມຢາມ, ທ່ານຈ່າງເຕີຈ່ຽງ ຈະພົບປະເຈລະຈາກັບບັນດາທ່ານປະທານສະພາ ແລະທັງສອງຝ່າຍກຳລັງມີການປຶກສາກັນກ່ຽວກັບການຈັດກິດຈະກຳອື່ນໆ.
ທ່ານເກິງຊວງກ່າວວ່າ, ນີ້ແມ່ນປະທານສະພາບັນດາປະເດທເອີລົບເໜືອແລະປະເທດບັນຕິກຮ່ວມກັນຢ້ຽມຢາມຈີນເປັນຄັ້ງທຳອິດ, ຫວັງວ່າຜ່ານຈາກການຢ້ຽມຢາມຄັ່ງນີ້ຈະລົງເລິກການພົວພັນສອງຝ່າຍ ແລະການແລກປ່ຽນດ້ານອົງການນິຕິບັນຍາດລະຫວ່າງຈີນກັບປະເທດດັ່ງກ່າວ, ແລະຊຸກຍູ້ໃຫ້ການພົວພັນຈີນ-ເອີຣົບຂະຫຍາຍຕົວຢ່າງຮອບດ້ານ.
 |
