ແມ່ນ້ຳລ້ານຊ້າງ-ແມ່ນ້ຳຂອງຍາວທັງໝົດປະມານ 4.900 ກິໂລແມັດ, ໃນນີ້, ແມ່ນ້ຳຂອງທີ່ໄຫຼຜ່ານດິນແດນປະເທດລາວມີຄວາມຍາວເຖິງ 1.987,7 ກິໂລແມັດ.ໃນປະຫວັດສາດດົນນານມານີ້, ແມ່ນ້ຳຂອງເປັນແຫຼ່ງກຳເນີດແລະບົ່ມສ້າງວັດທະນະທຳລາວທີ່ມີມູນເຊື້ອຫຼາກຫຼາຍສີສັນ ເຊິ່ງໄດ້ຮັບສົມຍານາມວ່າເປັນແມ່ນ້ຳມານດາຂອງປະຊາຊົນລາວ.
ເດືອນພະຈິກປີ 2014, ຜູ້ນຳຈີນໄດ້ສະເໜີຂໍ້ລິເລີ່ມສ້າງກົນໄກການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງແລະນັບຕັ້ງແຕ່ເປີດຂະບວນການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງເປັນຕົ້ນມາ, ແມ່ນ້ຳຂອງມີຄວາມໝາຍຄວາມສຳຄັນອີກຢ່າງໜຶ່ງຕໍ່ປະເທດລາວ.
ໃນດ້ານການເຊື່ອມຈອດກັນ, ຢູ່ລາວ, ບໍລິສັດຈີນໄດ້ເຂົ້າຮ່ວມໂຄງການພັດທະນາພື້ນຖານໂຄງລ່າງໃນດ້ານພະລັງງານ,ຄົມມະນາຄົມແລະການສຶ່ສານເປັນຈຳນວນຫຼວງຫຼາຍເປັນຕົ້ນ ທາງລົດໄຟຈີນ-ລາວ, ໂຄງການເຂື່ອນໄຟຟ້ານ້ຳອູແລະໂຄງການ ອື່ນໆ ເຊິ່ງໄດ້ປະກອບສ່ວນເຂົ້າໃນການປັບປຸງຊີວິດການເປັນຢູ່ຂອງປະຊາຊົນລາວໃຫ້ດີຂຶ້ນ. ໃນການຮ່ວມມືດ້ານເສດຖະກິດຂ້າມຊາດ, ລາວແລະຈີນໄດ້ຮ່ວມມືສ້າງຕັ້ງເຂດພັດທະນາກວມລວມໄຊເສດຖານະຄອນຫຼວງວຽງຈັນ, ເຂດຮ່ວມມືເສດຖະກິດບໍ່ຫານ-ບໍ່ເຕັນຈີນ-ລາວແລະເຂດຮ່ວມມືເສດຖະກິດຂ້າມຊາດອື່ນໆ.
ໃນຂົງເຂດກະສິກຳແລະການຫຼຸດຜ່ອນຄວາມທຸກຍາກ. ເຂດໂຕແບບວິທະຍາສາດເຕັກນິກກະສິກຳທັນສະໄໝລາວ-ຈີນກາຍເປັນຈຸດສຸມກໍ່ສ້າງເຂດໂຕແບບການຮ່ວມມືກະສິກຳຢູ່ຕ່າງປະເທດງວດທຳອິດຂອງຈີນ. ສອງປະເທດໄດ້ເຊັນສັນຍາປະຕິບັດໂຄງການຫຼຸດຜ່ອນຄວາມທຸກຍາກ ແລະປະຕິບັດໂຄງການໂຕແບບຫຼຸດຜ່ອນຄວາມທຸກຍາກ. ຈີນເຫັນດີໃນການສະໜອງທຶນອຸດໜູນ 33 ລ້ານຢວນເພື່ອສະໜັບສະໜູນລາວປະຕິບັດວຽກງານການຫຼຸດຜ່ອນຄວາມທຸກຍາກ.
ໃນຂົງເຂດຮ່ວມມືດ້ານປະຕິບັດກົດໝາຍ ແລະ ຄວາມໝັ້ນຄົງ, ລາວຕັ້ງໜ້າເຂົ້າຮ່ວມການຮ່ວມປະຕິບັດກົດໝາຍຢູ່ລຳແມ່ນ້ຳຂອງ ແລະ ຮ່ວມກັນລິເລີ່ມສ້າງສູນຮ່ວມມືດ້ານປະຕິບັດກົດໝາຍ ແລະ ຄວາມໝັ້ນຄົງຮ່ວມແມ່ນ້ຳລ້ານຊ້າງ-ແມ່ນ້ຳຂອງ.
ຫວ່າງມໍ່ໆມານີ້, ຈີນ ແລະ ລາວຍັງໄດ້ລົງນາມໃນສັນຍາໂຄງການຝ່າຍລາວໃນກອງທຶນສະເພາະການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຢູ່ນະຄອນຫຼວງວຽງຈັນ ເຊິ່ງກວມ 13 ໂຄງການໃນຫຼາຍຂົງເຂດ ເຊັ່ນ: ການຕິດຕາມວັດແທກອຸທົກກະສາດ, ການຜະລິດດ້ານອຸດສາຫະກຳ, ໂທລະຄົມຂໍ້ມູນຂ່າວສານ, ການອົບຮົມຜູ້ມີຄວາມຮູ້ຄວາມສາມາດ ແລະ ອື່ນໆ, ສັນຍາເຫຼົ່ານີ້ມີມູນຄ່າປະມານ 3 ລ້ານ 5 ແສນໂດລາສະຫະລັດ.
ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງໄດ້ຊຸກຍູ້ການພັດທະນາເສດຖະກິດສັງຄົມຂອງລາວເປັນຢ່າງດີ ແລະ ຍົກສູງລະດັບຊີວິດການເປັນຢູ່ຂອງປະຊາຊົນທ້ອງຖິ່ນຢ່າງເດັ່ນຊັດ. ເຈົ້າໜ້າທີ່ລັດຖະບານລາວຫຼາຍທ່ານກໍໄດ້ສະແດງຄວາມຊົມເຊີຍ ແລະ ໃຫ້ການສະໜັບສະໜູນຕໍ່ກົນໄກຮ່ວມມືດັ່ງກ່າວ.
ປີນີ້, ລາວຈະເປັນປະເທດປະທານຮ່ວມໃນໄລຍະຂໍກະແຈທີ່ກົນໄກການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຈາກໄລຍະບຳລຸງກໍ່ສ້າງຂະຫຍາຍມາເປັນໄລຍະສົມບູນ ແລະ ມີໜ້າທີ່ສຳຄັນຫຼາຍ. ເຊື່ອວ່າແມ່ນ້ຳຂອງທີ່ເປັນແມ່ນ້ຳມານດາຂອງປະເທດລາວຈະນຳພາການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງກ້າວຂຶ້ນສູ່ລະດັບໃໝ່.
