ທະນາຄານກາງຈີນໄດ້ໃຫ້ຮູ້ໃນວັນທີ 8 ມັງກອນນີ້ວ່າ: ທະນາຄານຕົນໄດ້ຕໍ່ສັນຍາແລກປ່ຽນເງິນຕາລະຫວ່າງສອງຝ່າຍກັບທະນາຄານກາງຂອງໄທ ເຊິ່ງມີມູນຄ່າເຖິງ 70 ຕື້ຢວນຫຼື ປະມານ 370 ຕື້ບາດ.
ທະນາຄານກາງຈີນກ່າວວ່າ: ການຕໍ່ສັນຍາຄັ້ງນີ້ມີຈຸດປະສົງເພື່ອເຮັດໃຫ້ການຄ້າແລະການລົງທຶນລະຫວ່າງສອງຝ່າຍມີຄວາມສະດວກຂຶ້ນກວ່າເກົ່າ, ຊຸກຍູ້ການພັດທະນາເສດຖະກິດຂອງສອງປະເທດ. ອາຍຸການປະຕິບັດສັນຍາແມ່ນ 3 ປີ ແລະຈະສາມາດຕໍ່ໄດ້ອີກຫຼັງຈາກໄດ້ຮັບຄວາມເຫັນດີຈາກສອງຝ່າຍ.
 |
