ວັນທີ 8 ມັງກອນນີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ພິມບົດຄວາມລົງໜັງສືພິມກຳປູເຈຍ, ໂດຍມີຫົວຂໍ້ "ສ້າງຂົວປູທາງໃຫ້ແກ່ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງແລະມິດຕະພາບລະຫວ່າງຈີນ-ກຳປູເຈຍ". ບົດຄວາມຊີ້ໃຫ້ເຫັນວ່າ, ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງໄດ້ກາຍເປັນກົນໄກຮ່ວມມືອະນຸພາກພື້ນທີ່ເຕັມໄປດ້ວຍພະລັງຊີວິດແລະກຳລັງບົ່ມຊ້ອນດ້ານການພັດທະນາ. ໃນຖານະເປັນພາກສ່ວນພື້ນຖານຂອງການຮ່ວມມືພາກພື້ນ, ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງບໍ່ພຽງແຕ່ມີຜົນດີຕໍ່ການຫຼຸດລື່ນຄວາມແຕກໂຕນກັນດ້ານພັດທະນາລະຫວ່າງອາຊຽນ, ສະໜອງການຊ່ວຍເຫຼືອໃຫ້ແກ່ອາຊຽນເຊື່ອມໂຍງເຂົ້າກັນເທົ່ານັ້ນ, ຍັງໄດ້ເພີ່ມພະລັງແຮງໃຫ້ແກ່ການຮ່ວມມືໃຕ້ໆກໍຄືຂະບວນເສດຖະກິດໂລກາພິວັດທີ່ເປີດປະຕູ, ກວມລວມ, ໄດ້ຮັບຜົນປະໂຫຍດທົ່ວໄປ, ດຸນດ່ຽງແລະຕ່າງຝ່າຍຕ່າງມີຜົນປະໂຫຍດກວ່າເກົ່າ.
ປີ 2016, ທ່ານສີຈິ້ນຜິງ ປະທານປະເທດຈີນໄດ້ຢ້ຽມຢາມກຳປູເຈຍຢ່າງສຳເລັດຜົນ, ໄດ້ຊຸກຍູ້ສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນ-ກຳປູເຈຍໄດ້ກ້າວຂຶ້ນສູ່ລະດັບໃໝ່. ໂດຍຕອບສະໜອງຕາມຄຳເຊີນຂອງທ່ານຮຸນແຊນ, ຂ້າພະເຈົ້າຈະຢ້ຽມຢາມກຳປູເຈຍຢ່າງເປັນທາງການ, ຫວັງວ່າສາມາດເສີມສ້າງມິດຕະພາບລະຫວ່າງສອງປະເທດຕື່ມອີກ. ປີນີ້ແມ່ນປີທີ່ສອງປະເທດສ້າງສາຍພົວພັນທາງການທູດຄົບຮອບ 60 ປີ, ພວກເຮົາຍິນຮ່ວມລົງເລິກການເຊື່ອມຈອດຍຸດທະສາດພັດທະນາກັບກຳປູເຈຍ, ເປີດກວ້າງການຮ່ວມມືທີ່ຕິດແທດຕົວຈິງຢ່າງຮອບດ້ານ.
ນອກນີ້, ທ່ານຫຼີເຄີ້ສຽງກ່າວຕື່ມວ່າການຢ້ຽມຢາມຄັ້ງນີ້ຈະຮ່ວມກັບທ່ານຮຸນແຊນເປີດກິດຈະກຳຜ່າຕັດພະຍາດຫົວໃຈ "ການເດີນທາງທີ່ມີຄວາມຮັກ"
 |
