ຕອນບ່າຍວັນທີ 8 ມັງກອນນີ້, ທ່ານວ່າງຢາງ ກຳມະການປະຈຳກົມການເມືອງສູນກາງພັກກອມມູນິດຈີນ, ຮອງນາຍົກລັດຖະມົນຕີຈີນ ໄດ້ພົບປະກັບຄະນະຜູ້ແທນສະພາການຄ້າທົ່ວປະເທດອາເມລິກາຢູ່ນະຄອນຫຼວງປັກກິ່ງ.
ທ່ານວ່າງຢາງກ່າວວ່າ: ຈີນ ແລະອາເມລິກາເປັນສອງກຸ່ມເສດຖະກິດໃຫຍ່ທີ່ສຸດໃນໂລກ ເຊິ່ງມີຜົນປະໂຫຍດຮ່ວມກັນຢ່າງຫຼວງຫຼາຍ, ສະນັ້ນ, ການຮ່ວມມືເປັນທາງເລືອກທີ່ຖືກຕ້ອງພຽງໜຶ່ງດຽວ. ໃນປີຜ່ານມາ, ປະມຸກລັດສອງປະເທດໄດ້ຢ້ຽມຢາມເຊິ່ງກັນ ແລະກັນ ທີ່ໄດ້ຊຸກຍູ້ສາຍພົວພັນສອງຊາດໃຫ້ພັດທະນາຢ່າງປອດໃສ. ຫວັງວ່າສະພາການຄ້າທົ່ວປະເທດອາເມລິກາຈະສືບຕໍ່ສົ່ງເສີມບົດບາດຢ່າງຕັ້ງໜ້າໃນການເພີ່ມທະວີຄວາມເຂົ້າໃຈເຊິ່ງກັນ ແລະກັນ ແລະການໄປມາຫາສູ່ກັນ, ປະກອບສ່ວນໃໝ່ເຂົ້າໃນການພັດທະນາການຮ່ວມມືເສດຖະກິດຈີນ-ອາເມລິກາຢ່າງໝັ້ນທ່ຽງ ແລະຍາວນານ.
 |
