ທ່ານ ຫຼີເຄີ້ສຽງ ເດີນທາງໄປເຂົ້າຮ່ວມກອງປະຊຸມຜູ້ນຳການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທີ 2 ແລະຢ້ຽມຢາມກຳປູເຈຍ

ຕາມຂ່າວCRI: ຕອນເຊົ້າວັນທີ 10 ມັງກອນນີ້, ທ່ານ ຫຼີເຄີ້ສຽງ ນາຍົກລັດຖະມົນຕີຈີນໄດ້ອອກເດີນທາງຈາກນະຄອນຫຼວງປັກກິ່ງດ້ວຍຍົນພິເສດ ເພື່ອໄປເຂົ້າຮ່ວມກອງປະຊຸມຜູ້ນຳການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທີ 2 ຢູ່ນະຄອນຫຼວງພະນົມເປັນແລະຢ້ຽມຢາມກຳປູເຈຍຢ່າງເປັນທາງການຕາມຄຳເຊີນ.

ນີ້ແມ່ນຜູ້ນຳຈີນຢ້ຽມຢາມຕ່າງປະເທດຄັ້ງທຳອິດໃນປີ 2018. ທ່ານ ໂຂງຊວນເຢ້ວ ຮອງລັດຖະມົນຕີກະຊວງການຕ່າງປະເທດຈີນກ່າວຕໍ່ສື່ມວນຊົນກ່ອນໜ້ານີ້ບໍ່ດົນວ່າ: ການຢ້ຽມຢາມຄັ້ງນີ້ແມ່ນການເສີມຂະຫຍາຍການພົວພັນທາງການທູດກັບປະເທດຢູ່ອ້ອມຂ້າງຈີນເປັນຄັ້ງທຳອິດໃນປີນີ້ ເຊິ່ງມີຄວາມໝາຍສຳຄັນຕໍ່ການລົງເລິກການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ, ທັງຈະມີຜົນສະທ້ອນຢ່າງເລິກເຊິ່ງແລະຍາວນານຕໍ່ການເສີມຂະຫຍາຍສາຍພົວພັນລະຫວ່າງຈີນ-ກຳປູເຈຍໃນປັດຈຸບັນແລະອະນາຄົດ.