ຕາມສະຖິຕິຫຼ້າສຸດທີ່ອົງການດ່ານພາສີຈີນເປີດເຜີຍໃນວັນທີ 12 ມັງກອນນີ້, ປີ 2017 ຜ່ານມາ, ຍອດມູນຄ່າການຄ້າສິນຄ້າຂອງຈີນບັນລຸເຖິງ 27.790 ຕື້ຢວນ, ເພີ່ມຂຶ້ນ 14,2% ເມື່ອທຽບໃສ່ປີ 2016 ຫຼັງໄດ້ຫຼຸດລົງ 2 ປີລຽນຕິ.
ທ່ານຫວງຊົ້ງຜິງ ໂຄສົກອົງການດ່ານພາສີຈີນເປີດເຜີຍວ່າ, ປີ 2017 ຜ່ານມາ, ການຄ້າສົ່ງອອກສິນຄ້າຂອງຈີນໄດ້ເພີ່ມຂຶ້ນ 10,8% ເມື່ອທຽບໃສ່ປີ 2016 ແລະການນຳເຂົ້າສິນຄ້າເພີ່ມຂຶ້ນ 18,7%, ບັນລຸການເກີນດຸນການຄ້າ 2870 ຕື້ຢວນ. ນອກນີ້, ການຄ້າລະຫວ່າງຈີນກັບສະຫະພາບເອີຣົບ, ອາເມລິກາແລະອາຊຽນຕ່າງກໍໄດ້ເພີ່ມຂຶ້ນ, ນັບລວມແລ້ວໄດ້ກວມຍອດມູນຄ່າການຄ້າຂາເຂົ້າຂາອອກຂອງຈີນກວ່າ 40% . ຂະນະດຽວກັນ, ການຄ້າລະຫວ່າງຈີນກັບຣັດເຊຍໄດ້ເພີ່ມຂຶ້ນ 23,9%, ການຄ້າລະຫວ່າງຈີນກັບໂປໂລຍ ເພີ່ມຂຶ້ນ 23,4%, ການຄ້າລະຫວ່າງຈີນກັບກາຊັກສະຖານ 40,7% ເຊິ່ງລ້ວນແຕ່ ສູງກວ່າຈັງຫະການເຕີບໂຕລວມ.
 |
