ການວາງ​ສະ​ແດງ​ຮູບ​ພາບ​ລະ​ນຶກ​ຈີນ​ກຳ​ປູ​ເຈຍ​ສ້າງ​ສາຍ​ສຳ​ພັນ​ທາງ​ການ​ທູດ​ຄົບ​ຮອບ 60 ປີ​ທີ່​ມີ​ຫົວ​ຂໍ້​ວ່າ "​ມິດ​ຕະ​ພາບ​ທີ່​ມີ​ມູນ​ເຊື້ອ ແລະ ​ໝັ້ນ​ຄັງ​ຂະ​ໜົງ​ແກ່ນ​ຕະຫຼອດ​ກາ​ລະ​ນານ" ໄດ້​ຈັດ​ຂຶ້ນ​ຢູ່​ທຳ​ນຽບ​ນາ​ຍົກ​ລັດ​ຖະ​ມົນ​ຕີ​ກຳ​ປູ​ເຈຍ​ໃນ​ວັນ​ທີ 11 ມັງ​ກອນ​ນີ້.

ການ​ວາງ​ສະ​ແດງ​ຄັ້ງ​ນີ້​ໄດ້​ຄັດ​ເລືອກ​ເອົາ​ຮູບ​ພາບ​​ທີ່​ມີ​ຄວາມ​ໝາຍ​ສຳ​ຄັນ​ທາງປະ​ຫວັດ​ສາດ​​ທີ່ລ້ຳ​ຄ່າ 36 ໃບ ທີ່​ໄດ້​ສ່ອງ​ແສງ​ເຖິງ​ໄລ​ຍະ​ສຳ​ຄັນ ແລະ ​ພາບ​ທີ່​ປະ​ທັບ​ໃຈແຫ່ງ​ການ​ໄປ​ມາ​ຫາ​ສູ່​ລະ​ຫວ່າງ​ສອງ​ປະ​ເທດຈີນ​ກຳ​ປູ​ເຈຍ​ໃນ 60 ປີ​​ຜ່ານມາ​ນີ້.

ນອກ​ຈາກວາງ​ສະ​ແດງ​ຢູ່​ນະ​ຄອນຫຼວງ​ພະ​ນົມ​ເປັນ​ແລ້ວ, ຍັງ​ຈະ​ໄປ​ວາງ​ສະ​ແດງ​ຢູ່ຫຼາຍ​ແຂວງ​ຂອງ​ກຳ​ປູ​ເຈຍ ເພື່ອໃຫ້​ປະ​ຊາ​ຊົນ​ກຳ​ປູ​ເຈຍ​ຮັບ​ຮູ້​ເຖິງ​ເລື່ອງ​​ຈິງທາງປ​ະ​ຫວັດ​ສາດ​​ທີ່​ສ່ອງ​ແສງ​ເຖິງມິດ​ຕະ​ພາບ​ຈີນກຳ​ປູ​ເຈຍ​.