ປຶ້ມ" ຄຳເຫັນຂອງທ່ານ ສີຈິ້ນຜິງ ກ່ຽວກັບການປົກຄອງປະເທດ ແລະ ການຄຸ້ມຄອງລັດ" ເຫຼັ້ມທີ 2 ທີ່ພິມເປັນພາສາຈີນແລະພາສາອັງກິດ ໂດຍສຳນັກພິມຈຳໜ່າຍພາສາຕ່າງປະເທດຈີນ ໄດ້ເລີ່ມພິມຈຳໜ່າຍຕໍ່ພາຍໃນແລະຕ່າງປະເທດໃນວັນທີ 7 ພະຈິກປີ 2017. ແລະມາຮອດວັນທີ 12 ມັງກອນນີ້, ໄດ້ພິມຈຳໜ່າຍຫຼາຍກວ່າ 10 ລ້ານຫົວແລ້ວ.
ປຶ້ມດັ່ງກ່າວໄດ້ບັນທຶກຄຳປາໄສ,ຄຳເຫັນ,ຄຳປາຖະກະຖາ,ຄຳຊີ້ນຳ,ໂທລະເລກຊົມເຊີຍແລະອື່ນໆທັງໝົດ 99 ບົດຂອງທ່ານເລຂາທິການໃຫຍ່ສີຈິ້ນຜິງໃນໄລຍະແຕ່ວັນທີ 18 ສິງຫາປີ 2014 ຫາວັນທີ 29 ກັນຍາປີ 2017 ຜ່ານມາ ໂດຍໄດ້ແບ່ງເປັນ 17 ຫົວຂໍ້ສະເພາະ ເຊິ່ງເນື້ອໃນເຫຼົ່ານີ້ໄດ້ບັນທຶກພຶດຕິກຳທີ່ຍິ່ງໃຫຍ່ຂອງສູນກາງພັກກອມມູນິດຈີນທີ່ມີສະຫາຍສີຈິ້ນຜິງເປັນໃຈກາງ ສາມັກຄີແລະນຳພາທົ່ວພັກແລະປະຊາຊົນບັນດາເຜົ່າໃນທົ່ວປະເທດຍຶດໝັ້ນແລະພັດທະນາສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ ໄດ້ສ່ອງແສງໃຫ້ເຫັນເຖິງທິດທາງການພັດທະນາແລະເນື້ອໃນທີ່ສຳຄັນຂອງແນວຄິດສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ຂອງທ່ານ ສີຈິ້ນຜິງ, ໄດ້ສະແດງໃຫ້ເຫັນເຖິງສະຕິປັນຍາແລະແຜນການຂອງຈີນທີ່ພັກກອມມູນິດຈີນປະກອບສ່ວນຕໍ່ການຊຸກຍູ້ການສ້າງປະຊາຄົມຮ່ວມຊາຕາກຳມວນມະນຸດ ແລະຊຸກຍູ້ພາລະກິດສັນຕິພາບແລະການພັດທະນາຂອງມະນຸດ.
ນອກຈາກໄດ້ພິມຈຳໜ່າຍເປັນພາສາຈີນແລະພາສາອັງກິດແລ້ວ, ປຶ້ມດັ່ງກ່າວຍັງຈະພິມເປັນຫຼາຍພາສາອື່ນຕາມລຳດັບອີກດ້ວຍ.
 |
