ຕາມຂ່າວcri:ວັນທີ 13 ມັງກອນນີ້, ທ່ານເຊີເກ ຣີຢັບໂຄຟ, ຮອງລັດຖະມົນຕີກະຊວງການຕ່າງປະເທດຣັດເຊຍໄດ້ກ່າວຢູ່ນະຄອນຫຼວງມົສກູຂອງຣັດເຊຍວ່າ, ຣັດເຊຍໄດ້ຕີລາຄາຕ່ຳສຸດຕໍ່ຖະແຫຼງການກ່ຽວກັບສັນຍາວ່າດ້ວຍບັນຫານິວເຄຼຍອີຣານທີ່ອອກໂດຍທ່ານໂດນານ ທຣຳ, ປະທານາທິບໍດີອາເມລິກາໃນວັນທີ 12 ມັງກອນນີ້, ຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງສືບຕໍ່ເຄົາລົບສັນຍາສະບັບນີ້.
ຂ່າວສານວິຕາຕັສຂອງຣັດເຊຍ(ITAR-TASS)ລາຍງານໃນວັນທີ 13 ມັງກອນນີ້ວ່າ, ທ່ານເຊີເກ ຣີຢັບໂຄຟກ່າວວ່າ, ສັນຍາຮອບດ້ານວ່າດ້ວຍບັນຫານິວເຄຼຍອີຣານແມ່ນສັນຍາຖືກຕ້ອງແລະມີຜົນສັກສິດທີ່ສາມາດສະແດງໃຫ້ເຫັນທັດສະນະຂອງຝ່າຍຕ່າງໆມີຢ່າງສະເໝີພາບ, ແຕ່ວ່າຍ້ອນມີປັດໄຈດ້ານອະຕະວິໄນຂອງອາເມລິກາແລະບັງຊົນຊັ້ນອາເມລິກາຖືອີຣານເປັນສັດຕູ, ເຈິ່ງເຮັດໃຫ້ສັນຍາສະບັບນີ້ໄດ້ຮັບຄວາມສົງໄສຈາກອາເມລິກາ.
ກ່ຽວກັບການສະແດງທ່າທີຈາກທ່ານໂດນານ ທຣັມປ໌ ທີ່ໄດ້ຮຽກຮ້ອງໃຫ້ສະພາແຫ່ງຊາດອາເມລິກາແລະຝ່າຍເຊັນສັນຍາຂອງເອີຣົບມີຄວາມເຫັນດີໃນການປັບປຸງມາດຕາຈຳນວນໜຶ່ງຂອງສັນຍານິວເຄຼຍອີຣານ, ທ່ານເຊີແກ ຣີຢາໂຄຟກ່າວວ່າ, ສັນຍາສະບັບນີ້ບໍ່ຄວນຖືກປັບປຸງ, ຣັດເຊຍຈະຄັດຄ້ານບໍ່ໃຫ້ອາເມລິກາປະຕິບັດເປັນແບນີ້.