ຖະ​ແຫຼງ​ການ​ຂອງກອ​ງ​ປະ​ຊຸມ​ຄົບ​ຄະ​ນະ​ຄັ້ງ​ທີ 2 ຂອງຄະ​ນະ​ກຳ​ມະ​ການກວດ​ກາລະ​ບຽບ​ວິ​ໄນ​ສູນ​ກາງ​ພັກ​ກອມ​ມູ​ນິດ​ຈີນ​ສະ​ໄໝ​ທີ 19 ກ່າວ​ເນັ້ນ​​ຈະ​ຍຶດ​ໝັ້ນການ​ປົກ​ຄອງ​ພັກ​ຢ່າງ​ເຂັ້ມ​ງວດ​​ຮອບ​ດ້ານ​ໃນ​ໄລ​ຍະ​ຍາວ​ນານ
2018-01-14 17:36:41  cri 
ຕອນ​ເຊົ້າ​ວັນ​ທີ 13 ມັງ​ກອນ​ນີ້, ກອ​ງ​ປະ​ຊຸມ​ຄົບ​ຄະ​ນະ​ຄັ້ງ​ທີ 2 ຂອງຄະ​ນະ​ກຳ​ມະ​ການກວດ​ກາລະ​ບຽບ​ວິ​ໄນ​ສູນ​ກາງ​ພັກ​ກອມ​ມູ​ນິດ​ຈີນ​ສະ​ໄໝ​ທີ 19 ໄດ້​ອັດ​ລົງ​ຢູ່​ປັກ​ກິ່ງ. ຖະ​ແຫຼງ​ການ​ທີ່​ຜ່ານ​ຮັບ​ຮອງ​ໃນ​ກອງ​ປະ​ຊຸມຂຽນ​ວ່າ, ຕ້ອງ​ຍຶດ​ໝັ້ນ​ການ​ປົກ​ຄອງ​ພັກ​ຢ່າງ​ເຂັ້ມ​ງວດ​ຕະ​ຫຼອດ​​ໄປ, ພະ​ຍາ​ຍາມ​ຍາດ​​ເອົາຜົນ​ສຳ​ເລັດ​ດ້ານ​ຍຸດ​ທະ​ສາດ​ໃຫຍ່​ຫຼວງກວ່າ​ເກົ່າ​ທາງ​ດ້ານ​ກາ​ນ​ປົກ​ຄອງ​ພັກ​ຢ່າງ​ເຂັ້ມ​ງວດ​ຮອບ​ດ້ານ.

ກອງ​ປະ​ຊຸມ​ກ່າວ​ເນັ້ນ​ວ່າ, ຕ້ອງ​ຖື​ການ​ສ້າງ​ສາ​ການ​ເມືອງ​​ຂອງ​ພັກເປັນ​ວຽກ​ອັນດັບ​​ໜຶ່ງ. ເດັດ​ດ່ຽວ​ກຳ​ຈັດ​ພວກ​ທີ່​ບໍ່​ຈົງ​ຮັກ​ພັກ​ດີ​ແລະ​ບໍ່​ຊື່​ສັດ​ຕໍ່​ພັກ, ໃນ​ເວ​ລາ​ຄັດ​ເລືອກ​ແລະ​ໃຊ້​ພະ​ນັກ​ງານ ຕ້ອງ​ພິ​ຈາ​ລະ​ນາ​ທາງ​ດ້ານ​ການ​ເມືອງ, ​ບໍ​ລິ​ສຸດ​ແລະ​ພາບ​ພົບຢ່າງ​ເຂັ້ມ​ງວດ, ​ປັບ​ປຸງ​ລະ​ບົບ​ນິ​ເວດ​ດ້ານ​ການ​ເມືອງ​ພາຍ​ໃນ​ພັກ​ໃຫ້​ຂາວ​ສະ​ອ​າດ​ຢ່າງ​ຮອບ​ດ້ານ. ພ້ອມ​ກັນ​ນັ້ນ, ຕ້ອງ​ຊຸກ​ຍູ້​ການ​ປະ​ຕິ​ຮູບ​ລະ​ບົບ​ຕິດ​ຕາມກວດ​ກາ​ຂອງ​ລັດ​ຢ່າງ​ຮອບ​ດ້ານ. ສ້າງ​ລະ​ບົບ​ຕິດ​ຕາມກວດ​ກາ​ທີ່​ພັກ​ບັນ​ຊາ​ການຢ່າງ​ເປັນ​ເອ​ກະ​ພາບກັນ ​ປົກ​ຄຸມ​ຢ່າງຮອບ​ດ້ານ​ພ້ອມ​ທັງມີອິດ​ທິ​ພົນ​ແລະ​ປະ​ສິ​​ດທິ​ພາບ​ສູງ, ​ຕິດ​ຕາມກວດ​ກາ​ພະ​ນັກ​ງານ​​ລັດ​ຖະ​ກອນ​ທີ່ເຮັດ​ວຽກ​ຢູ່​ພາກ​ສ່ວນ​ລັດ​ຖະ​ບານ​​ແລະ​ອົງ​ການ​ປົກ​ຄອງ​ທຸກ​ຂັ້ນຢ່າງ​ຮອບ​ດ້ານ. ນອກ​ນັ້ນ, ຕ້ອງ​ປັບ​ປຸງ​ແລະ​ເປີດກວ້າງ​​ການປະ​ຕິ​ບັດ​ຕາມ​ໝາກ​ຜົນ​ທາງ​ຈິດ​ໃຈ​​ຂອງຂໍ້​ກຳ​ນົດ 8 ​ຂໍ້​ຂອງ​ສູນ​ກາງ​ພັກ.

ໃນ​ເວ​ລາ​ຈັດ​ວາງວຽກ​ງານ​ຕິດ​ຕາມກວດ​ກາ​ລະ​ບຽບ​ວິ​ໄນ​ໃນ​ປີ 2018, ກອງ​ປະ​ຊຸມ​ຍັງ​ກ່າວ​ເນັ້ນ​ວ່າ, ຕ້ອງ​ສຳ​ຫຼວດ​ຄະ​ດີ​ສໍ້​ລາດ​ບັງ​ຫຼວງ​ທີ່​ກ່ຽວ​ພັນ​ເຖິງ​ບັນ​ຫາ​ການ​ເມືອງ​ແລະ​ບັນ​ຫາ​ເສດ​ຖະ​ກິດ​ຢ່າງ​ເປັນ​ຈຸດ​ໜັກ, ​ອອກ​ແຮງແກ້​ໄຂ​ບັນ​ຫາ​​ສໍ້ລາດ​ບັງ​ຫຼວງ. ຕ້ອງ​ເດັດ​ດ່ຽວ​ແກ້​ໄຂ​ບັນ​ຫາ​ສໍ້​ລາດ​ບັງ​ຫຼວງ​ທີ່ຢູ່​ໃກ້​ຊິດ​ກັບ​ປະ​ຊາ​ຊົນ. ດຳ​ເນີນ​ການ​ສຳ​ຫຼວດ​ສະ​ເພາະ​ຕໍ່​ບັນ​ຫາ​ສໍ້​ລາດ​ບັງ​ຫຼວງ​ແລະ​ບັນ​ຫາແບບ​ແຜນ​ໃນ​ຂົງ​ເຂດ​​ຫຼຸ​ດ​ຜ່ອນ​ຄວາມ​ທຸກ​ຍາກ. ເອົາ​ການ​ລົງ​ໂທດ​ການ​ສໍ້​ລາດ​ບັງ​ຫຼວງ​ຢູ່​​ຂັ້ນຮາກ​ຖານ​ກັບ​ການ​ກຳ​ຈັດ​ກຳ​ລັງ​ມືດ​ປະ​ສົມ​ປະ​ສານ​​ກັນ, ເດັດ​ດ່ຽວ​ກຳ​ຈັດ​ "ການ​ປົກ​ປ້ອງກຳ​ລັງ​ມືດ".
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ