ແຕ່ວັນທີ 11 ຫາວັນທີ 13 ມັງກອນນີ້, ກອງປະຊຸມຄົບຄະນະຄັ້ງທີ 2 ຂອງຄະນະກຳມະການກວດກາລະບຽບວິໄນສູນກາງພັກກອມມູນິດຈີນສະໄໝທີ 19 ໄດ້ຈັດຂຶ້ນຢູ່ນະຄອນຫຼວງປັກກິ່ງ, ແລະໄດ້ອັດລົງໃນຕອນເຊົ້າວັນທີ 13 ມັງກອນນີ້.
ກອງປະຊຸມກ່າວເນັ້ນວ່າ, ຕ້ອງຖືແນວຄິດສ້າງສາສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ຂອງທ່ານສີຈີ້ນຜິງເປັນການຊີ້ນຳ, ປະຕິບັດຕາມການຈັດວາງດ້ານຍຸດທະສາດທີ່ຕົກລົງໃນກອງປະຊຸມສະພາປະຊາຊົນແຫ່ງຊາດຄັ້ງທີ 19 ຂອງພັກກອມມູນິດຈີນ, ໝູນອ້ອມການປົກປັກຮັກສາຖານະທີ່ເປັນແກນກາງຂອງທ່ານເລຂາທິການໃຫຍ່ ສີຈິ້ນຜິງ ໃນສູນກາງພັກແລະທົ່ວພັກ, ໝູນອ້ອມການປົກປັກຮັກສາອຳນາດອິດທິພົນແລະການນຳພາແບບໂຮມສູນແລະເປັນເອກະພາບກັນຂອງສູນກາງພັກ, ຍຶດໝັ້ນພັກຄຸ້ມຄອງພັກແລະປົກຄອງພັກຢ່າງເຂັ້ມງວດຮອບດ້ານ, ຍຶດໝັ້ນຮູບການລວມຂອງວຽກງານຕ່າງໆທີ່ສະແຫວງຫາຄວາມກ້າວໜ້າຢ່າງໜັກແໜ້ນ, ຕິດຕາມກວດກາສະພາບການປະຕິບັດກົດລະບຽບຂອງພັກແລະຈິດໃຈຂອງກອງປະຊຸມໃຫຍ່ຄັ້ງທີ 19 ຂອງພັກ, ຖືການສ້າງສາການເມືອງຂອງພັກເປັນຫຼັກ, ຊຸກຍູ້ການສ້າງສາທຸກດ້ານຕ່າງໆຂອງພັກຢ່າງຮອບດ້ານ, ລົງເລິກການປະຕິຮູບລະບົບຕິດຕາມກວດກາແຫ່ງລັດ, ຍຶດໝັ້ນການຄວບຄຸມລະບຽບວິໄນຢ່າງເຂັ້ມງວດ, ລົງເລິກຊຸກຍູ້ການຕ້ານການສໍ້ລາດບັງຫຼວງ, ສ້າງລະບົບນິເວດດ້ານການເມືອງທີ່ປອດໄສໄຮ້ມົນທິນ, ເພີ່ມທະວີການຕິດຕາມກວດກາຕໍ່ຕົນເອງ, ຮັບການຕິດຕາມກວດກາຢ່າງເປັນເຈົ້າການ, ສ້າງຖັນແຖວພະນັກງານຕິດຕາມກວດກາລະບຽບວິໄນທີ່ຈົງຮັກພັກດີ, ບໍລິສຸດແລະມີຄວາມຮັບຜິດຊອບ, ເພື່ອສະໜອງສິ່ງຮັບປະກັນຢ່າງແຂງແຮງໃຫ້ແກ່ການສູ້ຊົນສ້າງສັງຄົມອີ່ມໜຳສຳລານໃນໄລຍະສຸດທ້າຍໃຫ້ສຳເລັດຢ່າງຮອບດ້ານ.
 |
