ໃນໂອກາດຕອບຄຳຖາມຂອງນັກຂ່າວໃນວັນທີ 15 ມັງກອນນີ້, ທ່ານເຊີເກີ ລາຣ໋ອຟ ລັດຖະມົນຕີກະຊວງການຕ່າງປະເທດຣັດເຊຍກ່າວວ່າ, ໃນຫຼາຍປີມານີ້, ຣັດເຊຍແລະຈີນໄດ້ຮັກສາການຮ່ວມມືຢ່າງໃກ້ຊິດແລະມີປະສິດທິພາບສູງກວ່າເກົ່າກ່ຽວກັບການແກ້ໄຂບັນຫາສາກົນທີ່ສຳຄັນຕ່າງໆເຊັ່ນ, ບັນຫານິວເຄຼຍແຫຼມເກົາຫຼີ, ບັນຫາຊີຣີ, ເອີລົບແລະອາຊີເຊື່ອມໂຍງເຂົ້າກັນແລະອື່ນໆ.
ທ່ານ ລາຣ໋ອຟ ຊີ້ໃຫ້ເຫັນວ່າ, ປັດຈຸບັນບັນຫານີວເຄຼຍແຫຼມເກົາຫຼີໄດ້ກາຍເປັນໜຶ່ງໃນບັນຫາໜັກໜ່ວງທີ່ສຸດໃນໂລກ. ຣັດເຊຍແລະຈີນໄດ້ຮ່ວມກັນສະເໜີເສັ້ນທາງແກ້ໄຂບັນຫານິວເຄຼຍແຫຼມເກົາຫຼີ, ສອງປະເທດຈະສືບຕໍ່ສະໜັບສະໜູນຝ່າຍຕ່າງໆທີ່ກ່ຽວຂ້ອງຈັດການເຈລະຈາໂດຍກົງ.
ທ່ານ ລາຣ໋ອຟ ກ່າວຕື່ມວ່າ, ກ່ຽວກັບບັນຫາຊີຣີ, ຣັດເຊຍແລະຈີນມີຈຸດຢືນແກ້ໄຂບັນຫາຊີຣີໂດຍຜ່ານວິທີການເມືອງບົນພື້ນຖານປະຕິບັດມະຕິທີ່ກ່ຽວຂ້ອງຂອງສະພາຄວາມໝັ້ນຄົງອົງການສະຫະປະຊາຊາດຢ່າງເຂັ້ມງວດ. ພັກຝ່າຍຕໍ່ຕ້ານລັດຖະບານຊີຣີທີ່ເຂົ້າຮ່ວມການເຈລະຈາຄວນສະແດງໃຫ້ເຫັນລັກສະນະກວມລວມແລະກວ້າງຂວາງຢ່າງສົມບູນ.
ສຳລັບການຮ່ວມມືເອີລົບອາຊີເຊື່ອມໂຍງເຂົ້າກັນລະຫວ່າງສອງປະເທດກໍກຳລັງດຳເນີນຢູ່ເຊັ່ນກັນ.
 |
