ວັນທີ 15 ມັງກອນນີ້, ຜູ້ແທນຈາກ ສ ເກົາຫຼີ ແລະ ສປປ ເກົາຫຼີໄດ້ຈັດການເຈລະຈາຢູ່ເຂດປານມູນຈອມເບື້ອງ ສ ເກົາຫຼີ ແລະໄດ້ເຫັນເປັນເອກະພາບກັນໃຫ້ສິລະປະກອນ ສປປ ເກົາຫຼີຢ້ຽມຢາມ ແລະສະແດງຢູ່ ສ ເກົາຫຼີໃນໄລຍະງານໂອແລມປິດລະດູໜາວພຽງຊາງ ແລະງານໂອແລມປິກຄົນພິການລະດູໜາວ.
ກະຊວງທ້ອນໂຮມປະເທດເປັນເອກະພາບ ສ ເກົາຫຼີເປີດເຜີຍວ່າ: ຄະນະດົນຕີຊຳຈີຢົງ ສປປ ເກົາຫຼີຫຼາຍກວ່າ 140 ຄົນຈະຢ້ຽມຢາມ ສ ເກົາຫຼີ ແລະສະແດງຢູ່ແຂວງກາງນຶງ ກໍຄືນະຄອນຫຼວງເຊອູນ. ສ ເກົາຫຼີຈະສະໜອງຄວາມສະດວກສະບາຍ ແລະຮັບປະກັນຄວາມປອດໄພທຸກຢ່າງ. ສປປ ເກົາຫຼີຈະສົ່ງຄະນະຜູ້ແທນເດີນທາງໄປ ສ ເກົາຫຼີໃນໄວໆນີ້, ສຳລັບສະຖານທີ່ການສະແດງ, ເວທີ, ເຄື່ອງອຸປະກອນ ແລະອື່ນໆ, ສອງຝ່າຍຈະປຶກສາຫາລືຢູ່ເຂດປານມູນຈອມຕື່ມອີກ.