ວັນທີ 17 ມັງກອນນີ້, ຢູ່ທີ່ປັກກິ່ງ, ທ່ານນາງເສິນຢິງ, ຜູ່ຈັດການໃຫຍ່ຝ່າຍບັນຊີຂອງຄະນະກຳມະການຕິດຕາມຄຸ້ມຄອງຊັບສິນແຫ່ງລັດຈີນກ່າວວ່າ, ປີ 2017, ວຽກງານຫຼຸດຜ່ອນຄວາມສາມາດການຜະລິດທີ່ຫຼ້າຫຼັງໃນຂະແໜງການເຫຼັກກ້າ ໄດ້ສຳເລັດແລ້ວໂດຍພື້ນຖານ, ທັງໄດ້ສຳເລັດກີນຄວາມໝາຍໃນຂະແໜງການຖ່ານຫີນ. ປີ 2017, ຂະແໜງການເກົ່າຕ່າງໆ ເຊັ່ນ: ນ້ຳມັນເຊື້ອໄຟແລະອຸດສາຫະກຳເຄມີ, ເຫຼັກກ້າແລະຖ່ານຫີນໄດ້ສ້າງປະສິດທິຜົນຢ່າງໃຫຍ່ຫຼວງ.
ໃນງານຖະແຫຼງຂ່າວຂອງຫ້ອງການຖະແຫຼງຂ່າວລັດຖະບານຈີນທີ່ຈັດຂຶ້ນໃນມື້ດຽວກັນ, ທ່ານນາງເສີນຢິງກ່າວວ່າ, ຕໍ່ໄປ, ຕ້ອງໃຊ້ເຕັກນິກທັນສະໄໝປັບປຸງຂະແໜງການເຫຼັກກ້າເກົ່າໃຫ້ຍົກລະດັບ. ປີນີ້, ຍັງຕ້ອງສືບຕໍ່ເພີ່ມຄວາມແຮງໃນດ້ານຈັດວາງວຽກງານຫຼຸດຜ່ອນຄວາມສາມາດການຜະລິດທີ່ຫຼ້າຫຼັງໃນຂະແໜງການຖ່ານຫີນ. ເຊິ່ງໄດ້ວາງເປົ້າໝາຍຫຼຸດຜ່ອນຄວາມສາມາດການຜະລິດທີ່ຫຼ້າຫຼັງໃນຂະແໜງການຖ່ານຫີນ 10 ລ້ານໂຕນຂຶ້ນໄປ, ໃນນັ້ນ, ຈຸດໜັກແມ່ນ ຊຸກຍູ້ການສັບຊ້ອນຄືນໃໝ່ໃນ ຂະແໜງການຖ່ານຫີນ.