ກອງປະຊຸມສຸດຍອດສະຫະພັນອາຟຣິກາຄັ້ງທີ 30 ໄດ້ຈັດຂຶ້ນຢູ່ສຳນັກງານໃຫຍ່ສະຫະພັນອາຟຣິກາ ທີ່ນະຄອນຫຼວງອາດິສອາເບບາປະເທດເອທີໂອປີ ໂດຍຕົ້ນຕໍຈະສຸມໃສ່ບັນຫາຕ້ານການສໍ້ລາດບັງຫຼວງຂອງປະເທດອາຟຣິກາ.
ຫົວຂໍ້ຫຼັກຂອງກອງປະຊຸມຄັ້ງນີ້ແມ່ນ "ຍາດເອົາໄຊຊະນະຂອງການຕໍ່ຕ້ານການສໍ້ລາດບັງຫຼວງ:ເສັ້ນທາງແບບຍືນຍົງທີ່ຫັນປ່ຽນຮູບແບບການພັດທະນາຂອງອາຟຣິກາເສັ້ນໜຶ່ງ". ທ່ານ ມາວສ໌ຊາ ຟາກີ ປະທານຄະນະກຳມະການສະຫະພັນອາຟຣິກາກ່າວວ່າ: ການກຳນົດເອົາການຕ້ານການສໍ້ລາດບັງຫຼວງເປັນຫົວຂໍ້ຫຼັກຂອງກອງປະຊຸມສຸດຍອດໃນປີນີ້ ຍ້ອນວ່າປາກົດການສໍ້ລາດບັງຫຼວງຂອງແຜ່ນດິນໃຫຍ່ອາຟຣິການັບມື້ນັບແຜ່ຫຼາຍຂຶ້ນ ເຊິ່ງເປັນການທຳລາຍຕໍ່ການພັດທະນາເສດຖະກິດ,ການເຊື່ອມໂຍງເຂົ້າກັນທາງສັງຄົມແລະຄວາມເປັນລະບຽບຮຽບຮ້ອຍທາງການເມືອງ.
ທ່ານ ຟາກີ ກ່າວຕື່ມວ່າ: ກອງປະຊຸມສຸດຍອດຄັ້ງນີ້ຍັງຈະໃຫ້ຄວາມສຳຄັນຕໍ່ບັນຫາຂອງອາຟຣິກາໃນດ້ານຕ່າງໆເຊັ່ນ:ກະສິກຳ,ຄົມມະນາຄົມ,ກົດໝາຍ,ການຄຸ້ມຄອງລັດຖະບານແລະການເງິນເປັນຕົ້ນ.
 |
