ທ່ານເຈມ ມາຕິສ ລັດຖະມົນຕີກະຊວງປ້ອງກັນປະເທດອາເມລິກາ ທີ່ພວມຢ້ຽມຢາມອິນໂດເນເຊຍ ໄດ້ກ່າວຢູ່ນະຄອນຫຼວງຈາກາຕາໃນວັນທີ 23 ມັງກອນນີ້ວ່າ: ອິນໂດເນເຊຍໄດ້ຮັບຜົນງານທີ່ໂດດເດັ່ນໃນການຕ້ານລັດທິກໍ່ການຮ້າຍ ແລະອາເມລິກາຈະເປີດກວ້າງການຮ່ວມມືໃນຂົງເຂດຕ້ານລັດທິກໍ່ການຮ້າຍກັບປະເທດດັ່ງກ່າວ.
ທ່ານມາຕິສ ໄດ້ຊົມເຊີຍການຮ່ວມມືຕ້ານລັດທິກໍ່ການຮ້າຍລະຫວ່າງອິນໂດເນເຊຍ, ມາເລເຊຍ ແລະ ຟິລິບປິນ ໂດຍກ່າວວ່າ: ອິນໂດເນເຊຍ, ມາເລເຊຍ ແລະ ຟິລິບປິນໄດ້ຮ່ວມກັນປາບປາມລັດທິກໍ່ການຮ້າຍຢູ່ເຂດທະເລຂອງສາມປະເທດ ແລະສາມາດສະກັດກັ້ນບໍ່ໃຫ້ກຸ່ມຫົວຮຸນແຮງ IS ແຜ່ກຳລັງເຂົ້າມາໃນປະເທດຕົນ ເຊິ່ງເປັນການສ້າງແບບຢ່າງໃຫ້ແກ່ການຮ່ວມມືຕ້ານລັດທິກໍ່ການຮ້າຍທົ່ວໂລກ. ດັ່ງນັ້ນ ອາເມລິກາຍິນດີຈະຮ່ວມມືກັບອິນໂດເນເຊຍ ເພື່ອປົກປັກຮັກສາສັນຕິພາບ ແລະ ສະຖຽນລະພາບຂອງພາກພື້ນ.
