ວັນທີ 23 ມັງກອນນີ້ ຢູ່ສະໂມສອນຄະນະກຳມະການທ່ອງທ່ຽວເນປານໄດ້ຈັດພິທີສຳເລັດຊຸດອົບຮົມພາສາຈີນໃຫ້ແກ່ພະນັກງານຂະແໜງການທ່ອງທ່ຽວປະເທດດັ່ງກ່າວ.
ຂ່າວລາຍງານວ່າ ຊຸດອົບຮົມດັ່ງກ່າວໃຊ້ເວລາປະມານ 6 ເດືອນ ແລະ ສຳມະນາກອນ 40 ກວ່າຄົນສ່ວນຫຼາຍແມ່ນພະນັກງານຈາກອົງການລັດຖະບານຂອງເນປານ ເຊັ່ນ ກະຊວງວັດທະນະທຳ, ທ່ອງທ່ຽວ ແລະ ການບິນພົນລະເຮືອນ, ກະຊວງການຕ່າງປະເທດ ແລະ ກົມຄຸ້ມຄອງຄົນຕ່າງປະເທດ. ຂະນະທີ່ການຈັດຊຸດອົບຮົມດັ່ງກ່າວກໍເພື່ອຍົກລະດັບພາສາຈີນຂອງບັນດາສຳມະນາກອນໃຫ້ສູງຂຶ້ນ ແລະ ຮັບຮູ້ວັດທະນະທຳຈີນໃຫ້ໄດ້ຫຼາຍກວ່າເກົ່າ, ຊຸກຍູ້ການພັດທະນາຂະແໜງການທ່ອງທ່ຽວລະຫວ່າງເນປານ-ຈີນ.
ທ່ານມາເຮສະວໍ ນິວປາເນ ເລຂາກະຊວງວັດທະນະທຳ, ທ່ອງທ່ຽວ ແລະ ການບິນພົນລະເຮືອນເນປານ ໄດ້ກ່າວປາໄສໃນພິທີປິດຊຸດອົບຮົມວ່າ: ພາສາເປັນຂົວແຫ່ງການແລກປ່ຽນລະຫວ່າງອາລະຍະທຳທີ່ຕ່າງກັນ ແລະ ປະເທດທີ່ຕ່າງກັນ. ຢ່າງໃດກໍຕາມ, ຈີນແມ່ນຕະຫຼາດນັກທ່ອງທ່ຽວທີ່ສຳຄັນສຳລັບຂະແໜງການທ່ອງທ່ຽວຂອງເນປານ ຫວັງວ່າບັນດາສຳມະນາກອນຈະບໍລິການນັກທ່ອງທ່ຽວຈີນໃຫ້ດີໃນຕໍ່ໜ້າ ແລະປະກອບສ່ວນເຂົ້າໃນການພັດທະນາຂະແໜງການທ່ອງທ່ຽວປະເທດຕົນ.