ກອງປະຊຸມປະຈຳປີຂອງເວທີປຶກສາຫາລືເສດຖະກິດໂລກຄັ້ງທີ 48 ໄດ້ໄຂຂຶ້ນຢູ່ເມືອງດາວໍສ໌ປະເທດສະວິສ໌ໃນວັນທີ 23 ມັງກອນນີ້ ໂດຍໄດ້ປິ່ນອ້ອມຫົວຂໍ້ "ສ້າງຊາຕາກຳຮ່ວມຢູ່ໃນໂລກທີ່ຜັນແປ", ຄົ້ນຄວ້າປຶກສາຫາລືຄວາມໝາຍຂອງການຮ່ວມມືສາກົນພາຍໃຕ້ສະພາບທີ່ການແຂ່ງຂັນທາງຍຸດທະສາດພູມິພາກທີ່ນັບມື້ນັບຮຸນແຮງຂຶ້ນ,ກໍ່ຄືບັນຫາສຳຄັນໃນດ້ານຕ່າງໆເຊັ່ນ: ຄວາມໝັ້ນຄົງໃນສາກົນ,ການອະນຸລັກສິ່ງແວດລ້ອມ,ເສດຖະກິດໂລກແລະອື່ນໆ.
ທ່ານ ອາລານ ເບີເຊັດ ປະທານາທິບໍດີສະວິສ໌ກ່າວໃນພິທີໄຂກອງປະຊຸມວ່າ: ຢູ່ໃນໂລກປັດຈຸບັນໄດ້ມີຄວາມເຫັນຕ່າງກັນໃນຂົງເຂດການປ່ຽນແປງຂອງດິນຟ້າອາກາດ,ການຕ້ານການກໍ່ການຮ້າຍ,ສັນຕິພາບແລະຄວາມໝັ້ນຄົງ. ບັນດາຝ່າຍຄວນຊຸກຍູ້ໂລກາພິວັດ,ລັດທິຫຼາຍຝ່າຍແລະການຄ້າເສລີຕື່ມອີກ,ເພື່ອສ້າງລະບົບສັງຄົມທີ່ມີຄວາມຍຸດຕິທຳກວ່າເກົ່າ.
ກອງປະຊຸມດັ່ງກ່າວຈະຈັດການປຶກສາຫາລື 400 ກວ່າຮອບພາຍໃນ 4 ວັນ ເຊິ່ງໄດ້ສ້າງເວທີໃຫ້ແກ່ບັນດາຝ່າຍທີ່ເຂົ້າຮ່ວມກອງປະຊຸມໃນການຊຸກຍູ້ການແລກປ່ຽນ,ການສະແຫວງຫາຄວາມເປັນເອກະພາບກັນ ແລະການຮ່ວມມື.
 |
