ວັນທີ 24 ມັງກອນນີ້ຕາມເວລາທ້ອງຖິ່ນ, ຢູ່ນະຄອນຫຼວງມົງເຕວິດີໂອປະເທດອູຣູໄກວ, ທ່ານ ວາງຢີ້ ລັດຖະມົນຕີກະຊວງການຕ່າງປະເທດຈີນ ໄດ້ກ່າວຄວາມເຫັນກ່ຽວກັບສັນຍາການຄ້າເສລີທີ່ສອງຝ່າຍຈີນ-ອູຣູໄກວປຶກສາລົງນາມ ໃນໂອກາດພົບປະນັກຂ່າວຮ່ວມກັບທ່ານ ໂຣໂດໂຟ ນິນ ໂນໂວອາ ລັດຖະມົນຕີກະຊວງການຕ່າງປະເທດອູຣູໄກວ.
ທ່ານ ວາງຢີ້ ກ່າວວ່າ, ການທີ່ປຶກສາລົງນາມສັນຍາການຄ້າເສລີລະຫວ່າງປະເທດກັບປະເທດນັ້ນ ມີຜົນດີຕໍ່ການປົກປ້ອງໂຄງປະກອບການຄ້າຫຼາຍຝ່າຍ ແລະມີຜົນດີຕໍ່ການຊຸກຍູ້ການພັດທະນາເສດຖະກິດບັນດາປະເທດ. ຈີນຍິນດີຮ່ວມກັບປະເທດຕະຫຼາດຮ່ວມພາກໃຕ້ ເຊັ່ນ ອູຣູໄກວເປັນຕົ້ນ ປຶກສາຫາລືວຽກງານລົງນາມໃນສັນຍາການຄ້າເສລີຢ່າງມີລະບຽບ. ການທີ່ອູຣູໄກວແລະປະເທດອາເມລິກາລາຕິນອື່ນໆ ເຊັນສັນຍາການຄ້າເສລີກັບຈີນນັ້ນ ຈະອຳນວຍຄວາມສະດວກໃຫ້ແກ່ບັນດາປະເທດເຂົ້າສູ່ຕະຫຼາດຈີນ ແລະສອດຄ່ອງກັບຜົນໂຫຍດໄລຍະຍາວຂອງອູຣູໄກວແລະປະເທດອື່ນໆ, ສ່ວນຈີນກໍມີຄວາມຍິນດີເປັນຢ່າງຍິ່ງຕໍ່ເລື່ອງນີ້.