ກອງປະຊຸມເວທີປຶກສາຫາລືອາຊີໂປອາວປະຈຳປີ 2018 ຈະຈັດຂຶ້ນຢູ່ເມືອງໂປອາວແຂວງໄຫຫຼຳຈີນແຕ່ວັນທີ 8 - 11 ເມສາປີນີ້. ໃນໄລຍະ 4 ວັນ, ຄະນະຜູ້ແທນທັງຈີນແລະຕ່າງປະເທດຈະປຶກສາຫາລືກັນ ໂດຍປິ່ນອ້ອມຫົວຂໍ້ "ອາຊີທີ່ເປີດປະຕູ ແລະ ມີຫົວຄິດປະດິດສ້າງ ໂລກທີ່ຈະເລີນຮຸ່ງເຮືອງ ແລະ ມີການພັດທະນາ".
ທ່ານໂຈ່ວເວີນຈຸ້ງ ເລຂາທິການໃຫຍ່ກອງປະຊຸມເວທີປຶກສາຫາລືອາຊີໂປອາວກ່າວວ່າ, ພາຍໃຕ້ສະພາບການທີ່ກະແສແນວຄິດຝືນຂະບວນການໂລກາພິວັດຮຸນແຮງຂຶ້ນ, ລັດທິປົກປ້ອງການຄ້າ ແລະ ການລົງທຶນເພີ່ມຂຶ້ນ ແລະ ຂະບວນການໂລກາພິວັດຖືກກະທົບກະເທືອນຢູ່ບາງພາກພື້ນ, ອາຊີ ແລະ ໂລກຍິ່ງຕ້ອງການໃຫ້ເປີດປະຕູ ແລະ ພົວພັນກັນຫຼາຍກວ່າທຸກໄລຍະທີ່ຜ່ານມາ; ຕ້ອງການໃຫ້ມີຄວາມໂອບອ້ອມອາລີ ແລະ ດຸ່ນດ່ຽງກັນ. ພາຍໃຕ້ເບື້ອງຫຼັງດັ່ງກ່າວ, ໄດ້ກຳນົດຫົວຂໍ້ກອງປະຊຸມປີນີ້ຄື "ອາຊີທີ່ເປີດປະຕູ ແລະ ມີຫົວຄິດປະດິດສ້າງ ໂລກທີ່ຈະເລີນຮຸ່ງເຮືອງ ແລະ ມີການພັດທະນາ" ແລະ ຈະຈັດໃຫ້ມີ 4 ຫົວຂໍ້ຍ່ອຍ ຄື: "ໂລກາພິວັດ ກັບ ໜຶ່ງແລວທາງໜຶ່ງເສັ້ນທາງ", "ອາຊີທີ່ເປີດປະຕູ", "ຫົວຄິດປະດິດສ້າງ" ແລະ "ປະຕິຮູບທີ່ມີຈຸດເລີ່ມຕົ້ນໃໝ່" ແລະ ມີ60 ກວ່າກອງປະຊຸມທີ່ຈະປຶກສາຫາລືກັນຢ່າງທາງການ.
 |
