ວັນທີ 24 ມັງກອນນີ້, ພະແນກຂົນສົ່ງຜູ້ໂດຍສານແຂວງອາເລັກຊັນດຣາປະເທດເອຢິບ ໄດ້ເຊັນສັນຍາຈອງຊື້ລົດເມທີ່ໃຊ້ພະລັງງານໄຟຟ້າ 15 ຄັນກັບບໍລິສັດຫຸ້ນສ່ວນ BYD ຈີນຈຳກັດ, ຈາກນີ້, ເອຢິບຈະມີລົດເມທີ່ໃຊ້ພະລັງງານໄຟຟ້າງວດທຳອິດ.
ທ່ານ ໂມຣາເມັດ ຊູຕັນ ເຈົ້າແຂວງແຂວງອາເລັກຊັນດຣາ ກ່າວໃນພິທີເຊັນສັນຍາວ່າ, ລົດເມທີ່ໃຊ້ພະລັງງານໄຟຟ້າ ຈະເສີມຂະຫຍາຍບົດບາດຄັ້ງປະຫວັດສາດໃນການຊຸກຍູ້ການເຜີຍແຜ່ແລະການພັດທະນາແບບຍືນຍົງຂອງຂະແໜງການຄົມມະນາຄົມທີ່ໃຊ້ພະລັງງານໃໝ່ຂອງເອຢິບ. ທ່ານ ຮວງຈື້ເຊ ຜູ້ອຳນວຍການໃຫຍ່ພະແນກຈຳໜ່າຍປະຈຳຕາເວັນອອກກາງແລະອາຟຣິກາຂອງບໍລິສັດ BYD ກ່າວວ່າ, ຫວັງວ່າ ໃນເວລາເຜີຍແຜ່ຜະລິດຕະພັນຂອງບໍລິສັດ BYD, ຈະສາມາດແກ້ໄຂບັນຫາລົດຕິດແລະຫຼຸດຜ່ອນມົນລະພິດທາງອາກາດຂອງທ້ອງຖິ່ນດັ່ງກ່າວ ທັງຊ່ວຍການນຳໃຊ້ແລະການພັດທະນາແບບຍືນຍົງຂອງພະລັງງານໃໝ່ໃນຂະແໜງການຄົມມະນາຄົມ.
ຂ່າວແຈ້ງວ່າ, ຂະບວນລົດເມທີ່ໃຊ້ພະລັງງານໄຟຟ້າຂະບວນດັ່ງກ່າວ ປະກອບດ້ວຍລົດ BYD-K9, ສາກໄຟເທື່ອດຽວສາມາດແລ່ນໄດ້ຫຼາຍກວ່າ 250 ກິໂລແມັດ ແລະຄາດວ່າຈະສົ່ງມອບໃຫ້ເອຢິບຢ່າງເປັນທາງການຫຼັງເຊັນສັນຍາແລ້ວ 8 ເດືອນ.