ວັນທີ 26 ມັງກອນນີ້, ຫ້ອງການຖະແຫຼງຂ່າວລັດຖະບານຈີນ ໄດ້ເຜີຍແຜ່ປຶ້ມປົກຂາວ "ນະໂຍບາຍຂົ້ວໂລກເໜືອຂອງຈີນ" ຢູ່ນະຄອນຫຼວງປັກກິ່ງ, ເຊິ່ງແມ່ນປຶ້ມປົກຂາວເຫຼັ້ມທຳອິດກ່ຽວກັບນະໂຍບາຍຂົ້ວໂລກເໜືອຂອງລັດຖະບານຈີນ.
ປຶ້ມປົກຂາວລະບຸວ່າ, ການບໍລິຫານຂົ້ວໂລກເໜືອ ຕ້ອງການການມີສ່ວນຮ່ວມແລະການປະກອບສ່ວນຂອງບັນດາຝ່າຍທີ່ກ່ຽວພັນເຖິງຜົນປະໂຫຍດ. ຈີນແມ່ນຜູ້ເຂົ້າຮ່ວມ, ຜູ້ກໍ່ສ້າງ ແລະຜູ້ປະກອບສ່ວນຂອງວຽກງານຂົ້ວໂລກເໜືອ, ຍິນດີບົນພື້ນຖານຫຼັກການພື້ນຖານຄື "ເຄົາລົບນັບຖື, ຮ່ວມມື, ຕ່າງຝ່າຍຕ່າງໄດ້ຮັບຜົນປະໂຫຍດ ແລະຍືນຍົງ", ຮ່ວມກັບບັນດາຝ່າຍທີ່ກ່ຽວຂ້ອງ, ຕັ້ງໜ້າຮັບມືກັບການທ້າທາຍຈາກການປ່ຽນແປງຂອງຂົ້ວໂລກເໜືອ, ຮ່ວມກັນຮັບຮູ້, ປົກປັກຮັກສາ, ນຳໃຊ້ ແລະເຂົ້າຮ່ວມການບໍລິຫານຂົ້ວໂລກເໜືອ. ຈີນສົ່ງເສີມໃຫ້ສ້າງປະຊາຄົມຮ່ວມຊາຕາກຳຂອງມວນມະນຸດ, ຈະພະຍາຍາມອຸທິດສະຕິປັນຍາແລະກຳລັງຂອງຈີນເພື່ອການພັດທະນາຂົ້ວໂລກເໜືອ, ຍິນດີຮ່ວມກັບປະຊາຄົມໂລກເພື່ອປົກປັກຮັກສາແລະຊຸກຍູ້ສັນຕິພາບ, ສະຖຽນລະພາບ ແລະການພັດທະນາແບບຍືນຍົງຂອງຂົ້ວໂລກເໜືອ.
 |
