ທ່ານ ອູໄຫທ່າວ ຮອງຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດ ກ່າວເນັ້ນໃນກອງປະຊຸມອະພິປາຍທົ່ວໄປກ່ຽວກັບບັນຫາປາເລັສຕິນຂອງສະພາຄວາມໝັ້ນຄົງໃນວັນທີ 25 ມັງກອນນີ້ວ່າ, "ແຜນການສ້າງເປັນສອງປະເທດ" ແມ່ນທາງອອກທີ່ຖືກຕ້ອງໃນການແກ້ໄຂບັນຫາປາແລັມຕິນທາງການເມືອງ.
ທ່ານ ອູໄຫທ່າວ ກ່າວຕື່ມວ່າ, ບັນຫາເຢຣູຊາເລັມສັບສົນແລະອ່ອນໄຫວທີ່ພົວພັນເຖິງພື້ນຖານຂອງການແກ້ໄຂບັນຫາປາເລັສຕິນ. ຈີນມີຄວາມເຫັນວ່າ, ບັນຫາຖານະຂອງເຢຣູຊາເລັມຄວນໃຫ້ຝ່າຍທີ່ກ່ຽວຂ້ອງມາແກ້ໄຂໂດຍຜ່ານການເຈລະຈາ, ນີ້ກໍແມ່ນຄວາມຮັບຮູ້ທີ່ເປັນເອກະພາບກັນຂອງປະຊາຄົມໂລກທີ່ໄດ້ຍອມຮັບໂດຍອີງຕາມເອກະສານທາງການເມືອງແລະກົດໝາຍຕ່າງໆ ເຊັ່ນມະຕິທີ່ກ່ຽວຂ້ອງຂອງອົງການສະຫະປະຊາຊາດເປັນຕົ້ນ. ແນວໃດກໍຕາມ, ເຢຣູຊາເລັມຍັງແມ່ນບ້ານເກີດຂອງຫຼາຍຊົນຊາດຊົນເຜົ່າແລະສາສະໜາທີ່ຕ່າງກັນ, ປາແລັສຕິນແລະອິດສະຣາແອນ ຄວນເຄົາລົບສິດເພື່ອຄວາມຢູ່ລອດຂອງກັນ ແລະຫຼີກເວັ້ນບໍ່ໃຊ້ການທະກຳທີ່ສ້າງຄວາມເຄັ່ງຕຶງຕື່ມອີກ.