ເມື່ອມໍ່ໆນີ້, ງານສະແດງໂຄມໄຟວັດທະນະທຳໃນຫົວຂໍ້ ເດີ່ນບ້ານໃນຂຸມໃຕ້ດິນເມືອງສານໂຈ່ວນະຄອນຊານເມິນເຊຍແຂວງເຫີນານ ສປ ຈີນໄດ້ເລີ່ມທົດລອງເປີດໄຟ,ຕາມແຜນການຈະເປີດໃຫ້ນັກທ່ອງທ່ຽວເຂົ້າຊົມໃນວັນທີ 5 ກຸມພາໜ້ານີ້ເພື່ອຕ້ອນຮັບບຸນກຸດຈີນທີ່ຈະມາເຖິງ. ເດີ່ນບ້ານໃນຂຸມໃຕ້ດິນເປັນຮູບເຮືອນທີ່ມີເອກະລັກພິເສດຢູ່ເຂດພາກຕາເວັນຕົກຂອງແຂວງເຫີນານຄື ຂຸດຂຸມຢູ່ພື້ນດິນຮາບພຽງແລ້ວເຈາະເປັນອຸໂມງກໍ່ສ້າງເປັນເຮືອນຢູ່ໃນ4ດ້ານ ຂອງຂຸມ ເຊິ່ງຖືກເອີ້ນກັນວ່າ ເດີ່ນບ້ານທີ່ມີເຮືອນຢູ່ສີ່ດ້ານໃຕ້ດິນຂອງພາກເໜືອຈີນ, ເປັນການຮັກສາວິຖີການດຳລົງຊີວິດແບບເຮືອນຖ້ຳຂອງມະນຸດໃນສະໄໝດຶກດຳບັນ. ປີ 2011, ເຕັກນິກກໍ່ສ້າງເດີ່ນບ້ານໃນຂຸມໄດ້ຮັບຮອງແລະຖືກຈັດເຂົ້າໃນບັນຊີລາຍຊື່ມໍລະດົກວັດທະນະທຳທີ່ບໍ່ແມ່ນວັດຖຸລະດັບຊາດຊຸດທີ 3 ຂອງຈີນ.