ໜັງສືພິມເສດຖະກິດທາມສ໌ຫວຽດນາມລາຍງານໃນວັນທີ 29 ມັງກອນນີ້ວ່າ, ປີ 2017 ປະເທດຕົນໄດ້ສົ່ງອອກຜະລິດຕະພັນທີ່ເຮັດດ້ວຍໄມ້ມີມູນຄ່າເຖິງ 8 ຕື້ 670 ລ້ານໂດລາສະຫະລັດ, ໄດ້ບັນລຸເປົ້າໝາຍສົ່ງອອກກ່ອນເວລາກຳນົດ 3 ປີ.
ຄາດວ່າຍອດມູນຄ່າສົ່ງອອກຜະລິດຕະພັນທີ່ເຮັດດ້ວຍໄມ້ໃນປີນີ້ຈະບັນລຸເຖິງ 10 ຕື້ 200 ລ້ານໂດລາສະຫະລັດ, ຫຼາຍກວ່າ 10 ຕື້ໂດລາສະຫະລັດເປັນຄັ້ງທຳອິດ. ປັດຈຸບັນວັດຖຸດິບຂອງຜະລິດຕະພັນທີ່ເຮັດດ້ວຍໄມ້ຂອງຫວຽດນາມສ່ວນຫຼາຍອາໄສການນຳເຂົ້າ, ໄມ້ທີ່ນຳເຂົ້າໄດ້ກວມ 69%. ຜະລິດຕະພັນທີ່ເຮັດດ້ວຍໄມ້ຂອງຫວຽດນາມໄດ້ຂາຍໃຫ້ 180 ປະເທດແລະເຂດແຄວ້ນ, ກວມ 6% ໃນຕະຫຼາດທົ່ວໂລກ.
 |
