ໜັງສືພິມ Business Mirror ຟີລິບປີນລາຍງານວ່າ: ທ່ານວິນລຽມ ດາ, ຜູ້ຮັບຜິດຊອບຄັງປັນຍາທັງເປັນອະດີດລັດຖະມົນຕີກະຊວງກະສິກຳຟີລິບປີນພິມໄດ້ຂຽນບົດຄວາມລົງໜັງສືພິມ, ເຕືອນໃຫ້ລັດຖະບານເພີ່ມການສະໜັບສະໜູນເງິນທຶນເພື່ອການພັດທະນາຄົ້ນຄວ້າກະສິກຳ, ຍົກສູງປະສິດທິພາບການຜະລິດດ້ານກະສິກຳ, ແລະຮັບມືກັບແຮງກົດດັນດ້ານຄວາມຕ້ອງການຕໍ່ທັນຍາຫານຍ້ອນປະຊາກອນເພີ່ມຂຶ້ນຢ່າງບໍ່ຢຸດຢັ້ງ.
ຂ່າວແຈ້ງວ່າ, ມາຮອດປັດຈຸບັນ, ໃນປະຊາກອນແຕ່ລະລ້ານຄົນມີພະນັກງານວິທະຍາສາດເຕັກນິກແລະຄົ້ນຄວ້າພຽງແຕ່ 189 ຄົນເທົ່ານັ້ນ, ຕ່ຳກວ່າ 380 ຄົນຕາມມາດຕະຖານຂອງອົງການຢູເນັສໂກ, ຢູ່ປະເທດໄທຕົວເລກດັ່ງກ່າວ 974 ຄົນ, ມາເລເຊຍ 2100 ຄົນ, ສ່ວນສິງກະໂປມີເຖິງ 6700 ຄົນ.
ຂ່າວແຈ້ງຕື່ມວ່າ, ຮອດປີ 2045 ປະຊາກອນຟີລິບປີນຈະເພີ່ມຂຶ້ນ 40 ລ້ານຄົນ, ບັນຫາທັນຍາຫານແລະການຫຼຸດຜ່ອນຄວາມທຸກຍາກຈະເປັນບັນຫາສຳຄັນທີ່ລັດຖະບານຕ້ອງຜະເຊີນ. ທ່ານວິນລຽມ ດາ ສະເໜີວ່າລັດຖະບານຊຸດປັດຈຸບັນຄວນເອົາໃຈໃສ່ການລົງທຶນດ້ານກະສິກຳແລະໃນຂະນະດຽວກັນຕ້ອງທຸ້ມເທໃນການກໍ່ສ້າງພື້ນຖານໂຄງລ່າງອີກດ້ວຍ.