ການແຂ່ງຂັນນະວັດຕະກຳຊາວໜຸ່ມກ່ຽວກັບການພັດທະນາແລະປົກຄອງແຫ່ງພາກພື້ນແມ່ນ້ຳລ້ານຊ້າງ-ແມ່ນ້ຳຂອງຄັ້ງທີ 3 ທີ່ຈັດຂຶ້ນຢູ່ມະຫາວິທະຍາໄລແຫ່ງຊາດລາວແລະດຳເນີນມາເປັນເວລາ 4 ວັນໄດ້ອັດລົງ ໃນວັນທີ 30 ມັງກອນຜ່ານມານີ້ ເຊິ່ງໂຄງການດັ່ງກ່າວເປັນໜຶ່ງໃນບັນດາໂຄງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງງວດທີສອງ ເຊິ່ງແມ່ນ 6 ປະເທດຄືຈີນ,ກຳປູເຈຍ, ໄທ,ລາວ,ມຽນມາແລະຫວຽດນາມຜັດປ່ຽນກັນເປັນເຈົ້າພາບຈັດຂຶ້ນ.
ຫົວຂໍ້ຫຼັກໃນການແຂ່ງຂັນຄັ້ງຄື: ການພັດທະນາຂອງຂະແໜງການສີຂຽວເຊັ່ນການທ່ອງທ່ຽວ ແລະມີນັກສຶກສາ 60 ຄົນຈາກມະຫາວິທະຍາໄລ 9 ແຫ່ງຂອງ 6 ປະເທດໄດ້ນຳເອົາຜົນງານນະວັດຕະກຳຂອງຕົນມາເຂົ້າຮ່ວມການແຂ່ງຂັນເປັນຕົ້ນ ການຮ່ວມມືດ້ານການທ່ອງທ່ຽວ, ກະສິກຳສີຂຽວ,ການທ່ອງທ່ຽວລະບົບນິເວດ, ໂຮງແຮມເປັນມິດກັບສິ່ງແວດລ້ອມ, ລະບົບທາງລົດໄຟລອຍຟ້າໂຄງຮ່າງຮູບວ່າວແລະອື່ນໆ, ໂດຍມີການປະກວດຫຼາຍລາງວັນເຊັ່ນ ບັນຫາທີ່ມີມູນຄ່າທີ່ສຸດ, ທີມງານນະວັດຕະກຳດີເດັ່ນ, ທີມງານຂ້າມຊາດດີເດັ່ນ, ແຜນປະກອບທຸລະກິດດີເດັ່ນແລະອື່ນໆ.
ການແຂ່ງຂັນສອງຄັ້ງຜ່ານມາໄດ້ຈັດຂຶ້ນຢູ່ເມືອງຢູຊູ້ແຂວງຊິງໄຫແລະນະຄອນນານນິງເຂດປົກຄົງຕົນເອງເຜົ່າຈ້ວງກວາງຊີ ສປ ຈີນ ສຳລັບຄັ້ງທີ 3 ນີ້ໄດ້ຈັດຂຶ້ນຢູ່ມະຫາວິທະຍາໄລແຫ່ງຊາດລາວເຊິ່ງໄດ້ຈັດຂຶ້ນຢູ່ປະເທດລຸ່ມແມ່ນ້ຳຂອງເປັນຄັ້ງທຳອິດ ແລະຖືເປັນບາດກ້າວທຳອິດໃນການປະຕິບັດກົນໄກ6ປະເທດຜັດປ່ຽນກັນເປັນເຈົ້າພາບຈັດການແຂ່ງຂັນດັ່ງກ່າວ. ຂ່າວແຈ້ງວ່າ: ການແຂ່ງຂັນນະວັດຕະກຳຊາວໜຸ່ມກ່ຽວກັບການພັດທະນາແລະປົກຄອງແຫ່ງພາກພື້ນແມ່ນ້ຳລ້ານຊ້າງ-ແມ່ນ້ຳຂອງຄັ້ງທີ 4 ໃນຫົວຂໍ້ "ການບໍລິໂພກແບບສີຂຽວ,ການຜະລິດກັບການພັດທະນາສັງຄົມ" ຈະຈັດຂຶ້ນຢູ່ກຳປູເຈຍໃນເດືອນມັງກອນປີ 2019.
 |
