ມະຫາວິທະຍາໄລເສດຖະກິດການຄ້າຕ່າງປະເທດຂອງຈີນໄດ້ເດີນທາງໄປນະຄອນຫຼວງບາງກອກປະເທດໄທໃນວັນທີ 30 ມັງກອນຜ່ານມານີ້ເພື່ອແນະນຳແລະໂຄສະນາຮັບເອົານັກສຶກສາໄທ ແລະນັກສຶກສາໄທກໍຫວັງຈະໄດ້ຮຽນຫຼັກສູດບໍລິຫານທຸລະກິດຢູ່ຈີນ.
ພະນັກງານຈາກສູນສຶກສາສາກົນຂອງມະຫາວິທະຍາໄລເສດຖະກິດການຄ້າຕ່າງປະເທດຂອງຈີນໄດ້ແນະນຳຕໍ່ນັກສຶກສາໄທກ່ຽວກັບວິຊາຮຽນທີ່ມີທ່າແຮງຂອງມະຫາວິທະຍາໄລຕົນທີ່ມີຫຼັກສູດກ່ຽວກັບເສດຖະກິດການເງິນແລະພາສາຕ່າງປະເທດຫຼາຍວິຊາເຊິ່ງປະກອບມີ ເສດຖະກິດການຄ້າສາກົນ, ນິຕິສາດ(ກົດໝາຍເສດຖະກິດສາກົນ),ວິທະຍາການເງິນ, ສາຂາບໍລິຫານທຸລະກິດແລະອື່ນໆ.
ກິດຈະກຳຄັ້ງນີ້ຈັດຂຶ້ນໂດຍສະຫະພັນການສຶກສາສາກົນໄທ-ຈີນເຊິ່ງເປັນສະຖາບັນບໍລິການນັກຮຽນນັກສຶກສາຈີນ-ໄທສຳລັບການໄປຮຽນຢູ່ສອງປະເທດດັ່ງກ່າວ, ປັດຈຸບັນສະຫະພັນດັ່ງກ່າວ ປະກອບດ້ວຍ ມະຫາວິທະຍາໄລພາກລັດແລະພາກເອກະຊົນຂອງໄທ 12 ແຫ່ງ, ໂຮງຮຽນມັດທະຍົມໄທ ເກືອບ 40 ແຫ່ງແລະມະຫາວິທະຍາໄລຈີນ 18 ແຫ່ງ.
 |
