ທ່ານນາງ ສຸດທິດາ ( WU YIXING ) ຫົວໜ້າ ວິທະຍຸສາກົນແຫ່ງປະເທດຈີນ ປະຈໍາລາວ ກ່າວວ່າ: ຈຸດປະສົງໃນການຈັດກິດຈະກຳແມ່ນເພື່ອເປັນການສ້າງຄວາມຮູ້ໃຫ້ແກ່ທ່ານຜູ້ຟັງ ແລະ ຕອບແທນນ້ຳໃຈໃຫ້ຜູ້ຟັງທີ່ໄດ້ຕິດຕາມຮັບຟັງຄື້ນ CRI FM 93.0 MHz ມາໂດຍຕະຫຼອດ. ນອກຈາກການຟັງໄດ້ຄວາມຮູ້, ໄດ້ຄວາມເບີກບານມ່ວນຊື່ນແລ້ວ ຍັງໄດ້ຮັບລາງວັນຈາກການຟັງນຳອີກ ແລະ ເພື່ອເປັນການສ້າງຄວາມສະໜິດສະໜົມກັບຜູ້ຟັງ ພ້ອມຍັງເປັນການດຶງດູດຜູ້ຟັງໃຫ້ເຂົ້າມາຕິດຕາມຮັບຟັງຄື້ນຂອງພວກເຮົາໃຫ້ຫຼາຍຂຶ້ນ. ພິເສດ ໃນປີ 2018 ນີ້, CRI ຍັງຈະສືບຕໍ່ກິດຈະກໍາດັ່ງກ່າວຕໍ່ໄປ.  ກິດຈະກໍາ " ຮູ້ຮອບໂລກ ຊິງໂຊກ 3 ຊັ້ນ " ຈັດຂຶ້ນທັງໝົດ 4 ຄັ້ງ ໃນປີ 2012, 2013, ປີ 2016 ແລະ ປີ 2017. ສໍາລັບກິດຈະກໍາໃນປີ 2017 ຜ່ານມາ ວິທະຍຸສາກົນແຫ່ງປະເທດຈີນ ຫຼື CRI ປະຈໍາລາວ ໄດ້ຮັບຂໍ້ຄວາມສັ້ນທີ່ສົ່ງເຂົ້າມາຜ່ານ 3 ເຄືອຂ່າຍໂທລະສັບ ເພື່ອຕອບຄຳຖາມຊິງລາງວັນທັງໝົດມີ 76.713 ຂໍ້ຄວາມ ເຊິ່ງມີທັງໝົດ 11 ລາງວັນ, ທີ 1 ໄດ້ຮັບສາຍຄໍາ ໜັກ 2 ບາດ ໂດຍແມ່ນທ່ານ ບຸນຫຼາຍ ຫວັງປະເສີດ. ທີສອງໂທລະສັບຫົວເຫວີຍ Nova2I, ມີ 2 ລາງວັນໄດ້ແກ່ທ່ານ ຄໍາສະຫວັນ ສີກຸນນະວົງ ແລະ ທ່ານ ພອນສະຫວັນ ຈັນນິຍະວົງ. ລາງວັນທີສາມໝໍ້ຫຸງເຂົ້າໄຟຟ້າ ແລະ ເຕົາລີດ ຢ່າງລະ 3 ລາງວັນ ໄດ້ແກ່ທ່ານ ຈັນທາວ ໄຊສະຫວັນ, ທ່ານ ລ້ອງເລົ່າ ແລະ ທ່ານ ສອນໄຊ ສີວົງທອງ ແລະ ລາງວັນທີ 4 ໄດ້ຮັບກ່ອງຮັບສັນຍານໂທລະພາບຂອງ ບໍລິສັດ ດາວທຽມລາວ ເອເຊຍ-ປາຊີຟິກ ຈໍາກັດ ມີ 5 ລາງວັນມີ ທ່ານນາງ ແສງເງິນ ພົມມຸມີວົງ, ທ່ານ ຫລ້າ ຈັນທະວົງ, ທ່ານ ສີນົນທອງ ຄໍາມະນີຈັນ, ທ່ານ ສີບຸນເຮືອງ ສຸລິຍະບັນດິດ ແລະ ທ່ານ ນາງ ພິລົມໄຊ ພໍລະສິນ.