ສັນຍາປະຕິບັດໂຄງການຄຣິນິກເຄື່ອນທີ່ທີ່ຈີນຊ່ວຍກຳປູເຈຍນັ້ນ ໄດ້ລົງນາມຢູ່ນະຄອນຫຼວງພະນົມເປັນໃນວັນທີ 1 ກຸມພານີ້.
ທ່ານ ຫຼີອ້ານ ທີ່ປຶກສາເສດຖະກິດການຄ້າຂອງສະຖານທູດຈີນປະຈຳກຳປູເຈຍ ແລະທ່ານ ມາມບູນເຮັງ ລັດຖະມົນຕີກະຊວງສາທາລະນະສຸກກຳປູເຈຍ ໄດ້ເຂົ້າຮ່ວມພິທີເຊັນສັນຍາດັ່ງກ່າວ.
ທ່ານ ຫຼີອ້ານ ກ່າວວ່າ, ກຳປູເຈຍ ເປັນເພື່ອນທີ່ດີຂອງຈີນ, ໂຄງການຄຣິນິກເຄື່ອນທີ່ ຈະຊ່ວຍປະຊາຊົນບັນດາແຂວງແລະເຂດຫ່າງໄກສອກຫຼີກແກ້ໄຂບັນຫາຫຍຸ້ງຍາກໃນການປິ່ນປົວພະຍາດ ແລະໃຫ້ການຊ່ວຍເຫຼືອແທ້ຈິງແກ່ປະຊາຊົນທ້ອງຖິ່ນ.
ໂອກາດນີ້, ທ່ານ ມາມບູນເຮັງ ໄດ້ກ່າວສະແດງຄວາມຂອບໃຈຕໍ່ລັດຖະບານຈີນທີ່ໄດ້ໃຫ້ຄວາມຊ່ວຍເຫຼືອ ແລະ ສະໜັບສະໜູນແກ່ກຳປູເຈຍໃນຂົງເຂດສາທາລະນະສຸກຕະຫຼອດມາ. ໂຄງການຄຣິນິກເຄື່ອນທີ່ ແມ່ນໝາກຜົນການຮ່ວມມືອີກສ່ວນໜຶ່ງໃນການສ້າງຄູ່ຮ່ວມມືຍຸດທະສາດຮອບດ້ານ ແລະ "ໜຶ່ງແລວທາງໜຶ່ງເສັ້ນທາງ" ລະຫວ່າງສອງປະເທດ ເຊິ່ງໄດ້ໃຫ້ການບໍລິການປິ່ນປົວພະຍາດທີ່ສະດວກກວ່າເກົ່າແລະບັງເກີດຜົນກວ່າເກົ່າແກ່ປະຊາຊົນກຳປູເຈຍ.
ຂ່າວແຈ້ງວ່າ, ລົດແລະອຸປະກອນໃນຄຣິນິກເຄື່ອນທີ່ຢູ່ກຳປູເຈຍ ສາມາດດຳເນີນການກວດພະຍາດທົ່ວໄປແລະການປິ່ນປົວໃນພະແນກເດັກ, ພະແນກປະສູດ, ພະແນກຫູ, ດັງແລະຄໍ, ພະແນກແຂ້ວ ແລະອຸນຕຣາໂຊນິກ ເປັນຕົ້ນ.
 |
