ເມືອງເຊ້ຍເມິນແມ່ນດ່ານສຳຄັນແຫ່ງໜຶ່ງທີ່ນຳເຂົ້າອາຫານຊະນິດຕ່າງໆຂອງອາຊຽນສູ່ປະເທດຈີນມາໂດຍຕະຫຼອດ. ປີ 2017, ດ່ານຕົ່ງຕູ້ເຂດການຄ້າເສລີເມືອງເຊ້ຍເມິນໄດ້ນຳເຂົ້າອາຫານອາຊຽນມູນຄ່າ 380 ລ້ານໂດລາສະຫະລັດ, ເພີ່ມຂຶ້ນຫຼາຍກວ່າປີ 2016 50% ຂຶ້ນໄປ.
ພະນັກງານອົງການກວດກາແລະກວດພະຍາດເວລາເຂົ້າອອກເມືອງຂອງດ່ານຕົ່ງຕູ້ບອກນັກຂ່າວໃຫ້ຮູ້ວ່າ: ມູນຄ່າອາຫານທີ່ນຳເຂົ້າຈາກອາຊຽນກວມ 70% ໃນຍອດມູນຄ່າອາຫານທີ່ນຳເຂົ້າຜ່ານດ່ານຕົ່ງຕູ້.
ກ່ຽວກັບປະເທດທີ່ມີອາຫານນຳເຂົ້າສູ່ປະເທດຈີນ, ນອກຈາກບຣູໄນແລ້ວ, ປະເທດອື່ນໃນອາຊຽນກໍມີອາຫານເຂົ້າສູ່ເມືອງເຊ້ຍເມິນ, ເວົ້າຈາກດ້ານມູນຄ່າແລ້ວ, ອິນໂດເນເຊຍເປັນທີ 1, ໄທເປັນທີ 2 ແລະຫວຽດນາມເປັນທີ 3. ໃນນັ້ນ, ອາຫານທີ່ນຳເຂົ້າຈາກອິນໂດເນເຊຍແລະໄທຜ່ານດ່ານຕົ່ງຕູ້ລ້ວນແຕ່ໄດ້ມີມູນຄ່າຫຼາຍກວ່າ 100 ລ້ານໂດລາ.
ໃນຊຸມປີມານີ້, ການສ້າງຄວາມເຊື່ອມຈອດກັນລະຫວ່າງເມືອງເຊ້ຍເມິນກັບອາຊຽນໄດ້ມີການພັດທະນາຢ່າງວ່ອງໄວ, ນອກຈາກນັ້ນ, ເຂດການຄ້າເສລີເມືອງເຊ້ຍເມິນຍັງໄດ້ໃຊ້ມາດຕະການຫຼາຍຢ່າງເພື່ອເຮັດໃຫ້ສິນຄ້າຜ່ານດ້ານສະດວກຂຶ້ນຕື່ມ, ນີ້ອາດຈະເປັນສາເຫດສຳຄັນທີ່ເຮັດໃຫ້ອາຫານທີ່ນຳເຂົ້າຈາກອາຊຽນເພີ່ມຂຶ້ນຢ່າງຫຼວງຫຼາຍ.