ຕາມຂ່າວCRI： ໂດຍແນໃສ່ເລື່ອງທີ່ມີເຈົ້າໜ້າທີ່ອາເມລິກາກ່າວວ່າ: ຈີນກຳລັງນຳໃຊ້ວິທີດ້ານເສດຖະກິດເພື່ອເຮັດໃຫ້ບັນດາປະເທດອາເມລິກາລາຕີນເຂົ້າສູ່ວົງໂຄຈອນຂອງຕົນ, ວັນທີ 2 ກຸມພານີ້, , ທ່ານນາງ ຮວ້າ ຊູນ ຢີງ, ໂຄສົກກະຊວງການຕ່າງປະເທດຈີນກ່າວໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວວ່າ, ນະໂຍບາຍຂອງຈີນມີຕໍ່ບັນດາປະເທດອາເມລິກາລາຕີນແມ່ນມີຄວາມປອດໂປ່ງແລະໄຂປະຕູ, ການຮ່ວມມືລະຫວ່າງສອງຝ່າຍແມ່ນສ້າງຂຶ້ນບົນພື້ນຖານທີ່ມີຜົນປະໂຫຍດຮ່ວມກັນແລະຄວາມຕ້ອງການເຊິ່ງກັນແລະກັນ, ໂດຍຍຶດຖືທັດສະນະທີ່ສະເໝີພາບແລະຕ່າງຝ່າຍຕ່າງມີຜົນປະໂຫຍດ, ໂດຍອ້ອມອາລີແລະຮ່ວມໃຫ້ມີຜົນປະໂຫຍດຮ່ວມກັນ, ຫວັງວ່າປະເທດທີ່ກ່ຽວຂ້ອງຈະປະຕິບັດຕໍ່ການຮ່ວມມືແລະການຂະຫຍາຍຕົວຂອງການພົວພັນລະຫ່ວາງຈີນກັບບັນດາປະເທດອາເມລິກາລາຕີນຢ່າງຖືກຕ້ອງດ້ວຍຈິດໃຈທີ່ໂອບອ້ອມອາລີ.
ທ່ານນາງຮວ້າ ຊູນ ຢີງກ່າວວ່າ, ຈີນກັບບັນດາປະເທດອາເມລິກາລາຕີນລ້ວນແຕ່ເປັນປະເທດທີ່ພວມພັດທະນາ, ຢູ່ໃນໄລຍະການພັດທະນາທີ່ຄ້າຍກັບແລະມີໜ້າທີ່ດ້ານການພັດທະນາຮ່ວມກັນ. ການຮ່ວມມືດ້ານການກໍ່ສ້າງພື້ນຖານໂຄງລ່າງລະຫວ່າງຈີນກັບບັນດາປະເທດອາເມລິກາລາຕີນໄດ້ເສີມຂະຫຍາຍບົດບາດຢ່າງຕັ້ງໜ້າໃນການເຮັດໃຫ້ບັນດາປະເທດອາເມລິກາລາຕີນຜ່ານຜຸປະສັກສິ່ງຕ່າງໆໃນການພັດທະນາແລະການປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນກວ່າເກົ່າ.ການລົງທຶນຂອງຈີນທີ່ມີຕໍ່ບັນດາປະເທດອາເມລິກາລາຕີນແລະການຮ່ວມມືດ້ານການທະນາຄານລະຫວ່າງຈີນກັບບັນດາປະເທດອາເມລິກາລາຕີນແມ່ນປະຕິບັດຕາມກົດລະບຽບການຄ້າແລະກົດໝາຍກົດບັນຍັດຂອງທ້ອງຖິ່ນທັງໝົດ. ຕາມສະຖິຕິຂອງອົງການແຮງງານສາກົນ, ນັບແຕ່ປີ 1995 ຫາປີ 2016, ວິສາຫະກິດຈີນໄດ້ສ້າງວຽກເຮັດງານທຳໃຫ້ 1 ລ້ານ 8 ແສນກວ່າແຫ່ງຢູ່ບັນດາປະເທດອາເມລິກາລາຕີນ. ການຮ່ວມມືລະຫວ່າງຈີນກັບບັນດາປະເທດອາເມລິກາລາຕີນແມ່ນສ່ວນປະກອບຂອງການຮ່ວມມືໃຕ້ໆ, ເຊິ່ງໄດ້ສ້າງຄວາມສຸກໃຫ້ແກ່ປະຊາຊົນສອງຝ່າຍ. ການພັດທະນາດ້ານການພົວພັນລະຫວ່າງຈີນກັບບັນດາປະເທດອາເມລິກາລາຕີນແມ່ນບໍ່ແນໃສແລະກຳຈັດຝ່າຍທີ່ສາມໃດໆ, ກໍບໍ່ມີຜົນກະທົບທາງລົບຕໍ່ຜົນປະໂຫຍດຂອງຝ່າຍທີສາມຢູ່ບັນດາປະເທດອາເມລິກາລາຕີນ.
 |
