ກອງປະຊຸມເວທີປຶກສາຫາລືການຮ່ວມມືລາວ-ຈີນໃນຂອບ" ໜຶ່ງແລວທາງໜຶ່ງເສັ້ນທາງ" ທີ່ຈັດຂຶ້ນຢູ່ນະຄອນຫຼວງວຽງຈັນແຫ່ງ ສປປ ລາວໄດ້ອັດລົງໃນວັນທີ 3 ກຸມພານີ້ໂດຍວິສາຫະກິດແລະອົງການຈັດຕັ້ງຂອງຈີນແລະລາວໄດ້ປຶກສາຫາລືຢ່າງມີປະສິດທິຜົນ ແລະບັນລຸຜົນສຳເລັດຫຼາຍຢ່າງ ເຊິ່ງໄດ້ຊຸກຍູ້ການແລກປ່ຽນແລະຮ່ວມມືຕົວຈິງລະຫວ່າງວິສາຫະກິດແລະນັກລົງທຶນຂອງສອງປະເທດ.
ກອງປະຊຸມໄດ້ປິ່ນອ້ອມການຜັນຂະຫຍາຍຍຸດທະສາດຫັນປະເທດທີ່ບໍ່ມີທາງອອກສູ່ທະເລໃຫ້ກາຍເປັນປະເທດເຊື່ອມຈອດເຊື່ອມໂຍງກັບພາກພື້ນແລະສາກົນຂອງສປປລາວ ແລະ ຂໍ້ລິເລີ່ມ" ໜຶ່ງແລວທາງໜຶ່ງເສັ້ນທາງ"ຂອງ ສປຈີນ ໂດຍມີການສົນທະນາເປັນເວທີຍ່ອຍເຊັ່ນ "ລົງເລິກການຮ່ວມມືດ້ານການທະນາຄານ", ຮ່ວມສ້າງແລວທາງເສດຖະກິດຈີນ-ລາວ, "ຂໍ້ມູນຂ່າວສານວິທະຍາສາດເຕັກໂນໂລຊີທີ່ກ້າວໜ້າຂອງຈີນຮັບໃຊ້ການຮ່ວມມືຈີນ-ລາວພາຍໃຕ້ແນວຄວາມຄິດໜຶ່ງແລວທາງໜຶ່ງເສັ້ນທາງ". "ການຮ່ວມມືແລະພັດທະນາອຸດສາຫະກຳພະລັງງານຈີນ-ລາວ", "ການຮ່ວມມືແລະການພັດທະນາຂະແໜງການໂທລະຄົມແລະການສື່ສານ, ວັດທະນະທຳຈີນ-ລາວ", "ການຮ່ວມມືຈີນ-ລາວດ້ານກະສິກຳແລະແກ້ໄຂຄວາມທຸກຍາກ" ແລະອື່ນໆ. ວິສາຫະກິດແລະອົງການຈັດຕັ້ງຈີນ-ລາວທີ່ເຂົ້າຮ່ວມກອງປະຊຸມໄດ້ເຊັນສັນຍາການຮ່ວມມືຫຼາຍສະບັບ.
ກອງປະຊຸມເວທີປຶກສາຫາລືຄັ້ງນີ້ໄດ້ດຳເນີນເປັນເວລາ 2 ວັນ ແລະມີຈຸດປະສົງເພື່ອຊຸກຍູ້ ແລະ ຜັນຂະຫຍາຍ ຜົນສຳເລັດຂອງການ ຢ້ຽມຢາມ ສປປ ລາວທາງລັດຖະກິດຂອງເລຂາທິການໃຫຍ່ສີຈິ້ນຜິງໃນທ້າຍປີ2017ຜ່ານມາແລະຄົ້ນຄວ້າການເຊື່ອມຈອດຍຸດທະສາດ ການພັດທະນາປະເທດຂອງສປປລາວ ແລະ ຂໍ້ລິເລີມ" ໜຶ່ງແລວທາງໜຶ່ງເສັ້ນທາງ"ຂອງ ສປຈີນ ກໍຄືຮ່ວມກັນປຶກສາຫາລືແຜນພັດທະນາການຮ່ວມມືຈີນ-ລາວ.
 |
