ວັນທີ 4 ກຸມພານີ້, ທ່ານເຢິນກົວຊຽງ ໂຄສົກກະຊວງປ້ອງກັນປະເທດຈີນໄດ້ກ່າວປາໄສກ່ຽວກັບອາເມລິກາເປີດເຜີຍ "ບົດລາຍງານພິຈາລະນາສະຖານະການນິວເຄຼຍ". ທ່ານຊີ້ໃຫ້ເຫັນວ່າ, ວັນທີ 3 ກຸມພານີ້ຕາມເວລາປັກກິ່ງ, ກະຊວງປ້ອງກັນປະເທດອາເມລິກາໄດ້ເປີດເຜີຍ "ບົດລາຍງານພິຈາລະນາສະຖານະການິວເຄຼຍ", ໂດຍໄດ້ຄາດເດົາຈີນໃນພັດທະນານັ້ນຢ່າງຜິດພາດ, ເວົ້າໂຍກການຂົ່ມຂູ່ດ້ວຍກຳລັງນິວເຄຼຍຂອງຈີນ, ຈີນຄັດຄ້ານຢ່າງເດັດດ່ຽວຕໍ່ເລື່ອງນີ້.
ທ່ານກ່າວຕື່ມວ່າ: "ຈີນເດີນຕາມເສັ້ນທາງພັດທະນາໂດຍສັນຕິຢ່າງໝັ້ນໜຽວ, ປະຕິບັດຕາມນະໂຍບາຍປ້ອງການຊາດທີ່ມີລັກສະນະປ້ອງກັນຢ່າງເດັດຂາດ. ປະຕິບັດຕາມນະໂຍບາຍທີ່ບໍ່ໃຊ້ອາວຸດນິວເຄຼຍກ່ອນອື່ນໃນເວລາໃດແລະກໍລະນີໃດ, ມີຄຳໝັ້ນສັນຍາອັນຈະແຈ້ງວ່າບໍ່ໃຊ້ແລະບໍ່ຂົ່ມຂູ່ໃຊ້ອາວຸດນິວເຄຼຍຕໍ່ປະເທດທີ່ບໍ່ມີອາວຸດນິວເຄຼຍແລະພາກພື້ນທີ່ບໍ່ມີອາວຸດນິວເຄຼຍ. ຈີນນຳໃຊ້ທ່າທີທີ່ອົດກັ້ນທີ່ສຸດໃນດ້ານພັດທະນາອາວຸດນິວເຄຼຍ, ຮັກສາກຳລັງນິວເຄຼຍຂອງຕົນໃນລະດັບຕ່ຳສຸດເພື່ອຄວາມໝັ້ນຄົງຂອງຊາດ.
ກ່ອນອື່ນ, ການພິຈາລະນາສະຖານະການນິວເຄຼຍຕ້ອງປະຕິບັດຕໍ່ທ່ວງທ່າລວມຂອງສະໄໝ. ສັນຕິພາບແລະການພັດທະນາແມ່ນກະແສນິຍົມໂລກທີ່ຕ່າວປີ້ນບໍ່ໄດ້, ອາເມລິກາແມ່ນປະເທດທີ່ມີສາງອາວຸດນິວເຄຼຍໃຫຍ່ທີ່ສຸດຂອງໂລກ, ຕ້ອງປະຕິບັດຕາມກະແສນິຍົມນີ້ຢ່າງເປັນເຈົ້າການ. ພວກເຮົາວຫວັງໃຫ້ອາເມລິກາຈົ່ງເຂົ້າໃຈເປົ້າໝາຍຍຸດທະສາດຂອງຈີນຢ່າງຖືກຕ້ອງ, ປະພຶດຕໍ່ການສ້າງສາການປ້ອງກັນຊາດແລະກອງທັບຂອງຈີນຢ່າງພາວະວິໄສ, ເຮັດໃຫ້ການພົວພັນລະຫວ່າງສອງກອງທັບກາຍເປັນປັດໄຈໝັ້ນທ່ຽງຂອງການພົວພັນລະຫວ່າງຈີນອາເມລິກາ, ຮ່ວມກັນຮັກສາສັນຕິພາບ, ສະຖຽນລະພາບແລະຄວາມຈະເລີນຮຸ່ງເຮືອງຂອງໂລກແລະພາກພື້ນຮ່ວມກັນ.