ກະຊວງທ້ອນໂຮມປະເທດເປັນເອກະພາບ ສ ເກົາຫຼີເປີດເຜີຍໃນວັນທີ 4 ກຸມພານີ້ວ່າ: ສປປ ເກົາຫຼີຈະສົ່ງທ່ານກິມຢົງນຳ ປະທານຄະນະປະຈຳສະພາປະຊາຊົນສູງສຸດ ສປປ ເກົາຫຼີ ພ້ອມຄະນະຜູ້ແທນລະດັບສູງໄປຢ້ຽມຢາມ ສ ເກົາຫຼີແຕ່ວັນທີ 9 ຫາວັນທີ 11 ກຸມພານີ້.
ຂ່າວສານໂຢນຮັບ ສ ເກົາຫຼີແຈ້ງໃຫ້ຮູ້ວ່າ: ຕອນຄ່ຳວັນທີ 4 ກຸມພານີ້, ສ ເກົາຫຼີໄດ້ຮັບຖະແຫຼງຂ່າວການຢ້ຽມຢາມຂອງຄະນະຜູ້ແທນລະດັບສູງ ສປປ ເກົາຫຼີ ເຊິ່ງນຳໂດຍທ່ານ ກິມຢົງນຳ ຫົວໜ້າຄະນະຜູ້ແທນ, ສະມາຊິກຄະນະຜູ້ແທນ 3 ຄົນ ແລະຜູ້ຊ່ວຍ 18 ຄົນ.
ວັນທີ 9 ມັງກອນຜ່ານນີ້, ພາຍຫຼັງຈັດການເຈລະຈາລະດັບສູງຢູ່ເຂດປານມູນຈອມ, ສ ເກົາຫຼີ ແລະ ສປປ ເກົາຫຼີໄດ້ອອກຖະແຫຼງການຮ່ວມ ທີ່ໄດ້ເຫັນເປັນເອກະພາບກັນດ້ານຕ່າງໆ ຄື: ຄະນະນັກກິລາ ສປປ ເກົາຫຼີເຂົ້າຮ່ວມງານໂອແລມປິກລະດູໜາວພຽງຊາງ, ສອງຝ່າຍຈັດການເຈລະຈາລະຫວ່າງພາກສ່ວນທະຫານ ແລະອື່ນໆ. ສປປ ເກົາຫຼີຈະສົ່ງຄະນະຜູ້ແທນລະດັບສູງ ແລະຄະນະຜູ້ແທນຂອງຄະນະກຳມະການໂອແລມປິກຊົນເຜົ່າເຂົ້າຮ່ວມງານໂອແລມປິກລະດູໜາວພຽງຊາງຄັ້ງນີ້.