ວັນທີ 5 ກຸມພານີ້, ທ່ານ ໂມຮາເມັດ ອິສຕີຢາຮ໌ ປະທານຄະນະກຳມະການການພັດທະນາແລະສ້າງສາເສດຖະກິດຄືນໃໝ່ຂອງປາແລັສຕິນກ່າວວ່າ: ເພື່ອຈັດຕັ້ງປະຕິບັດຂໍ້ຕົກລົງທີ່ກ່ຽວຂ້ອງຂອງອົງການປົດປ່ອຍຂອງປາແລັສຕິນ, ຢູ່ໃນແດນປາແລັສຕິນຄວນຢຸດຕິການໃຊ້ສະກຸນເງິນເຊເຄັນໃໝ່ຂອງອິສຣາແອນເປັນເງິນຕາໝູນວຽນ ເພື່ອພົ້ນອອກຈາກການອາໄສທາງດ້ານເສດຖະກິດຕໍ່ອິສຣາແອນເທື່ອລະກ້າວ.
ທ່ານກ່າວເນັ້ນວ່າ: ຖ້າຢາກບັນລຸເປົ້າໝາຍດັ່ງກ່າວຄວນປະຕິບັດມາດຕະການຕ່າງໆ ໃນນັ້ນສຳຄັນທີ່ສຸດແມ່ນເພີ່ມທະວີຄວາມສາມາດດ້ານການຜະລິດຂອງປະຊາຊົນປາແລັສຕິນ ໂດຍສະເພາະຄວນເພີ່ມຄວາມສາມາດດ້ານການຜະລິດໃນຂົງເຂດກະສິກຳແລະອຸດສາຫະກຳ ເພື່ອຕໍ່ຕ້ານແລະຢຸດຕິການນຳໃຊ້ສິນຄ້າຈາກອິສຣາແອນ.
ໃນວັນທີ 6 ທັນວາປີ 2017, ທ່ານ ໂດນັນ ທຣຳ ປະທານາທິບໍດີອາເມລິກາໄດ້ປະກາດຮັບຮອງເຢລູຊາເລັມເປັນນະຄອນຫຼວງອິສຣາແອນ ເຊິ່ງໄດ້ເຮັດໃຫ້ປາແລັສຕິນບໍ່ພໍໃຈຢ່າງຮຸນແຮງ. ຄະນະກຳມະການສູນກາງອົງການປົດປ່ອຍຂອງປາແລັສຕິນປະກາດໃນວັນທີ 15 ມັງກອນຜ່ານມາວ່າ: ປະເທດຕົນຈະຢຸດຕິການຮັບຮອງອິສຣາແອນເປັນການຊົ່ວຄາວ,ສັນຍາວ່າດ້ວຍສັນຕິພາບທີ່ສອງຝ່າຍໄດ້ເຊັນຜ່ານມານັ້ນກໍ່ຈະບໍ່ມີຜົນບັງຄັບໃຊ້ອີກຕໍ່ໄປ.
 |
