ງານສຳມະນາການຮ່ວມມືລະຫວ່າງວິສາຫະກິດຂະໜາດກາງແລະນ້ອຍຈີນ-ມາເລເຊຍ 2018 ທີ່ສະຖານທູດຈີນປະຈຳມາເລເຊຍ, ສະມາຄົມການຄ້າໃຫຍ່ຈີນມາເລເຊຍແລະທະນາຄານຈີນປະຈຳມາເລເຊຍເປັນເຈົ້າພາບຮ່ວມໄດ້ຈັດຂຶ້ນຢູ່ກົວລາລຳເປີໃນວັນທີ 5 ກຸມພານີ້.
ທ່ານລຽວຕຸ່ງໄລ ລັດຖະມົນຕີກະຊວງຄົມມະນາຄົມມາເລເຊຍກ່າວວ່າ, ມາເລເຊຍແລະຈີນມີການແລກປ່ຽນດ້ານເສດຖະກິດການຄ້າແລະວັດທະນະທຳຢ່າງໃກ້ຊິດໃນຫຼາຍປີຜ່ານມາ, ວິສາຫະກິດຂະໜາດກາງແລະນ້ອຍຂອງສອງປະເທດກໍຄວນກຳໂອກາດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ", ຊ່ວຍຊູຍູ້ໜູນກັນແລະພັດທະນາຮ່ວມກັນ, ເພື່ອບັນລຸການ "ປຶກສາຮ່ວມກັນ, ຮ່ວມກັນກໍ່ສ້າງແລະແບ່ງປັນຜົນປະໂຫຍດຮ່ວມກັນ" ຢ່າງແທ້ຈິງ.
ງານສຳມະນາຄັ້ງນີ້ຈະສຸມໃສ່ຂະແໜງການຕ່າງໆເຊັ່ນ: ຂະແໜງການການກິນດື່ມ, ການຈໍລະຈອນສິນຄ້າ, ກະສິກຳຍຸກປັດຈຸບັນ, ພະລັງງານສີຂຽວ, ເສດຖະກິດໝູນວຽນ, ການຜະລິດລົດຍົນ, ອຸປະກອນເຄື່ອງຈັກແລະອື່ນໆ.
 |
