ກອງປະຊຸມບໍ່ເປັນທາງການຂອງລັດຖະມົນຕີການຕ່າງປະເທດອາຊຽນອັດລົງຢູ່ສິງກະໂປໃນວັນທີ 6 ກຸມພານີ້, ໃນວາລະດຳເນີນກອງປະຊຸມເປັນເວລາ 3 ວັນ, ລັດຖະມົນຕີການຕ່າງປະເທດຕ່າງໆໄດ້ແລກປ່ຽນຄວາມເຫັນກ່ຽວກັບສະຖານະການພາກພື້ນແລະສາກົນ.
ທ່ານວິວຽນ ບະລະຄຣິສນັນ ລັດຖະມົນຕີກະຊວງການຕ່າງປະເທດສິງກະໂປອອກຖະແຫຼງການໃນມື້ດັ່ງກ່າວວ່າ, ບັນດາລັດຖະມົນຕີການຕ່າງປະເທດອາຊຽນໄດ້ປຶກສາຫາລືກ່ຽວກັບທິດທາງພັດທະນາຂອງການສ້າງປະຊາຄົມອາຊຽນແລະເພີ່ມທະວີການພົວພັນຕໍ່ຕ່າງປະເທດຂອງອາຊຽນ, ບັນດາທ່ານລ້ວນແຕ່ເຫັນວ່າ, ມີຄວາມຈຳເປັນເພີ່ມທະວີຄວາມເຂັ້ມແຂງດ້ານການທະນາຄານແລະເສດຖະກິດມະຫາພາກຂອງອາຊຽນຕື່ມອີກ, ລົງເລິກການພົວພັນເສດຖະກິດການຄ້າລະຫວ່າງອາຊຽນກັບຄູ່ຮ່ວມຕ່າງປະເທດ.
ຖະແຫຼງການດັ່ງກ່າວຍັງລະບຸວ່າ, ອາຊຽນໄດ້ຮັບຮູ້ຜົນປະໂຫຍດທີ່ຮັບປະກັນໃຫ້ທະເລຈີນໃຕ້ເປັນທະເລແຫ່ງສັນຕິພາບ, ສະຖຽນລະພາບແລະຄວາມຈະເລີນຮຸ່ງເຮືອງ.
ນອກນີ້, ບັນດາລັດຖະມົນຕີກະຊວງການອາຊຽນປະເທດຕ່າງໆຍັງໄດ້ແລກປ່ຽນຄວາມຄິດເຫັນກ່ຽວກັບບັນຫາລັດທິກໍ່ການຮ້າຍ, ຄວາມໝັ້ນຄົງທາງອິນເຕີເນັດແລະອາຊະຍະກຳຂ້າມຊາດ, ແລະໄດ້ປຶກສາຫາລືສະຖານະການຕາເວັນອອກກາງແລະແຫຼມເກົາຫຼີ.
 |
