ວັນທີ 6 ກຸມພານີ້, ທ່ານຈີ່ນລີ້ຊຸນ ອຳນວຍການໃຫຍ່ທະນາຄານລົງທຶນພື້ນຖານໂຄງລ່າງອາຊີກ່າວຢູ່ນະຄອນຫຼວງກົວລາລຳເປີປະເທດມາເລເຊຍວ່າ: ທະນາຄານຕົນຈະຮ່ວມມືກັບປະເທດມາເລເຊຍ ເພື່ອດຳເນີນການກໍ່ສ້າງພື້ນຖານໂຄງລ່າງໃນອາຊຽນທາງດ້ານຄົມມະນາຄົມຂົນສົ່ງ, ການຜະລິດໄຟຟ້າ, ສົ່ງໄຟຟ້າ, ທ່າກຳປັ່ນທະເລ, ສະໜາມບິນ ແລະອື່ນໆ.
ນັບແຕ່ໄດ້ສ້າງຕັ້ງທະນາຄານລົງທຶນພື້ນຖານໂຄງລ່າງອາຊີໃນເດືອນມັງກອນປີ 2016 ເປັນຕົ້ນມາ, ມີປະເທດສະມາຊິກຈາກ 57 ປະເທດເທົ່ານັ້ນເຖິງ 84 ປະເທດແລ້ວ. ໃນສອງປີທີ່ຜ່ານມາ, AIIBໄດ້ຮັບການສະໜັບສະໜູນຈາກບັນດາປະເທດທົ່ວໂລກ. ທ່ານຈີ່ນລີ້ຊຸນຢືນຢັນວ່າ: AIIBຈະສືບຕໍ່ຮັກສາທັດສະນະເປີດປະຕູສູ່ໂລກພາຍນອກໂດຍສະເພາະຕໍ່ປະເທດຕ່າງໆທີ່ຍັງບໍ່ທັນເຂົ້າເປັນສະມາຊິກ, ເຖິງແມ່ນວ່າຈະມີບາງປະເທດຍັງບໍ່ທັນໄດ້ເຂົ້າເປັນສະມາຊິກກໍ່ຕາມ, ແຕ່AIIBກໍໄດ້ຮັບຜົນປະໂຫຍດຈາກບຸກຄະລາກອນ, ນັກວິຊາການ ແລະສະຖາບັນການເງິນຂອງປະເທດເຫຼົ່ານີ້.
 |
