ວັນທີ 8 ກຸມພານີ້, ລາຊະວົງເກລັນຕັນ ມາເລເຊຍໄດ້ປົດຍົດລາຊະວົງ "ອານ ຢູນູຊີ ດາຈາ ເກຣາບັດ" ຂອງທ່ານເຊຣີ ມາຮາເທຍ ບິນ ໂມຮາມັດ ອະດີດນາຍົກລັດຖະມົນຕີມາເລເຊຍ ຢ່າງເປັນທາງການ.
ຍົດ "ອານ ຢູນູຊີ ດາຈາ ເກຣາບັດ" ເປັນຍົດສູງສຸດຂອງລາຊະວົງເກລັນຕັນ ໂດຍເລີ່ມສ້າງຕັ້ງຂຶ້ນເມື່ອປີ 1916. ຍົດດັ່ງກ່າວມີຄວາມຈຳກັດ ທັງປະດັບໃຫ້ພຽງແຕ່ລາຊະທາຍາດເທົ່ານັ້ນ ແລະຫຼາຍສຸດມີພຽງແຕ່ 25 ຄົນທີ່ມີຄຸນວຸດທິໄດ້ຮັບຍົດດັ່ງກ່າວ. ຂະນະທີ່ທ່ານ ມາຮາເທຍ ບິນ ໂມຮາມັດ ກໍໄດ້ຮັບຍົດດັ່ງກ່າວເມື່ອເດືອນເມສາປີ 2002.
ທ່ານມາຮາເທຍ ເຄີຍເປັນນາຍົກລັດຖະມົນຕີມາເລເຊຍເປັນເວລາ 22 ປີ ແລະເປັນຜູ້ນຳທີ່ດຳລົງຕຳແໜ່ງດັ່ງກ່າວເປັນເວລາຍາວທີ່ສຸດໃນມາເລເຊຍ.
