ວັນທີ 8 ກຸມພານີ້, ທ່ານເອໂດກັນ ປະທານາທິບໍດີຕວກກີໄດ້ໂທລະສັບລົມກັບທ່ານວາລະດີເມຍ ປູຕິນ ປະທານາທິບໍດີຣັດເຊຍ, ສອງຝ່າຍໄດ້ເຫັນດີຈັດການເຈລະຈາລະຫວ່າງຜູ້ນຳຕວກກີ, ຣັດເຊຍ ແລະອີຣານກ່ຽວກັບບັນຫາຊີຣີຢູ່ອິສຕັນບູນ.
ສຳນັກຂ່າວສານອານາໂດລູຕວກກີລາຍງານວ່າ: ທ່ານເອໂດກັນ ແລະທ່ານປູຕິນໄດ້ປຶກສາຫາລືກ່ຽວກັບສະພາບການຢູ່ຊີຣີ ແລະທ່າອ່ຽງການພັດທະນາຂອງເຂດອິດລິບ ແລະອະຟຣິນ, ແລກປ່ຽນຄຳຄິດເຫັນທາງດ້ານຂະບວນການເຈລະຈາໂດຍສັນຕິອັສທານາກ່ຽວກັບບັນຫາຊີຣີ. ສອງຝ່າຍເຫັນດີເລັ່ງສ້າງສູນສັງເກດການໃໝ່ຢູ່ແຂວງອິດລິບທີ່ຫຼຸດລະດັບການປະທະກັນ ແລະເພີ່ມທະວີການຮ່ວມມືດ້ານມະນຸດສະທຳ.
 |
